ନୂଆଦିଲ୍ଲୀ: ତ୍ରିପୁରା ସମେତ ଉତ୍ତର-ପୂର୍ବାଞ୍ଚଳ ରାଜ୍ୟଗୁଡ଼ିକ ବିକାଶ ପାଇଁ ନିଜେ ସମ୍ବଳ ସୃଷ୍ଟି କରିବାକୁ ପରାମର୍ଶ ଦେଇଛନ୍ତି ପଞ୍ଚଦଶ ଅର୍ଥ ଆୟୋଗର ଅଧ୍ୟକ୍ଷ ନନ୍ଦ କିଶୋର ସିଂହ। ଯଦି ଘରୋଇ ନିବେଶକଙ୍କୁ ଆକୃଷ୍ଟ କରିବାରେ ଉକ୍ତ ରାଜ୍ୟଗୁଡ଼ିକ ବିଫଳ ହୁଅନ୍ତି ତେବେ ଭବିଷ୍ୟତରେ ଋଣ ଭାର ଓ ବିତ୍ତୀୟ ନିଅଣ୍ଟ ଅଣାୟତ୍ତ ହୋଇଯିବ ବୋଲି ସେ ଚେତାବନୀ ଦେଇଛନ୍ତି।
ସ୍ୱାସ୍ଥ୍ୟ, ଆଇଟି, ଶକ୍ତି, ଶିକ୍ଷା ଓ ପର୍ଯ୍ୟଟନର ବିକାଶ ପାଇଁ ତ୍ରିପୁରା ରାଜ୍ୟ ସରକାର କେନ୍ଦ୍ରୀୟ ଟିକସରୁ ଅଧିକ ଭାଗ ଦାବି କରିଥିଲେ। ଏହାର ପ୍ରତିକ୍ରିୟାରେ ଶ୍ରୀ ସିଂହ କହିଛନ୍ତି ଯେ ରାଜ୍ୟ ସରକାରଙ୍କ ନୂଆ ଯୋଜନା ପ୍ରଭାବଶାଳୀ। ରାଜ୍ୟର ଆବଶ୍ୟକତା ଓ ଆର୍ଥିକ ସମସ୍ୟା ପ୍ରତି ଆୟୋଗ ଅବଗତ ଅଛନ୍ତି। ଶ୍ରୀ ସିଂହ କହିଛନ୍ତି ଯେ ଉତ୍ତର-ପୂର୍ବାଞ୍ଚଳ ରାଜ୍ୟର ଦୀର୍ଘସ୍ଥାୟୀ ବିକାଶ ପାଇଁ କେନ୍ଦ୍ର ସରକାର ଏକ ମାଷ୍ଟରପ୍ଲାନ୍ ପ୍ରସ୍ତୁତ କରିଛନ୍ତି। ତ୍ରିପୁରାର ମାନବ ସମ୍ବଳ ବିକାଶ ପାଇଁ ମଧ୍ୟ ଏକ ମାଷ୍ଟରପ୍ଳାନ ପ୍ରସ୍ତୁତ କରାଯାଇଛି। କିନ୍ତୁ ଦୀର୍ଘସ୍ଥାୟୀ ଯୋଜନା ପାଇଁ ତ୍ରିପୁରା ସମେତ ଅନ୍ୟାନ୍ୟ ରାଜ୍ୟଙ୍କୁ ନିଜସ୍ୱ ସମ୍ବଳ ସୃଷ୍ଟି ଉପରେ ଗୁରୁତ୍ୱ ଦେବାକୁ ପଡ଼ିବ ।
ନିଜେ ସମ୍ବଳ ସୃଷ୍ଟି କର
Popular Categories
Previous article
Next article