ନୂଆଦିଲ୍ଲୀ : ୟୁନିଫାଇଡ୍ ପେମେଣ୍ଟ ଇଣ୍ଟରଫେସ୍(ୟୁପିଆଇ) ଜରିଆରେ ହେଉଥିବା ନେଣଦେଣର ମୂଲ୍ୟ ସେପ୍ଟେମ୍ବରରେ ବାର୍ଷିକ ଆଧାରରେ ୩୧ ପ୍ରତିଶତ ବୃଦ୍ଧି ପାଇ ୨୦.୬୪ ଲକ୍ଷ କୋଟି ଟଙ୍କା ହୋଇଯାଇଛି । ଏହି ସମୟରେ ଟ୍ରାଞ୍ଜାକ୍ସନ ସଂଖ୍ୟା ମଧ୍ୟ ବାର୍ଷିକ ଆଧାରରେ ୪୨ପ୍ରତିଶତ ବଢି ୧୫.୦୪ ଅରବ ହୋଇଯାଇଛି । ଏନପିସିଆଇ ତରଫରୁ ଜାରି ସୂଚନା ଅନୁସାରେ ଏହି ତଥ୍ୟ ମିଳିଛି ।
ଗତ ମାସରେ ୟୁପିଆଇରେ ପ୍ରତିଦିନ ୫୦.୧ କୋଟି ନେଣଦେଣ ହୋଇଥିଲା । ଅଗଷ୍ଟରେ ଏହା ୪୮.୩ କୋଟି ଥିଲା । ଏହି ସମୟରେ ୟୁପିଆଇରେ ପ୍ରତିଦିନ ହାରାହାରି ୬୮,୮୦୦ କୋଟି ଟଙ୍କା ମୂଲ୍ୟର ନେଣଦେଣ ହୋଇଛି । ଅଗଷ୍ଟରେ ଏହା ୬୬,୪୭୫ କୋଟି ଟଙ୍କା ଥିଲା । ସେପ୍ଟେମ୍ବରରେ ଆଧାର ଆଧାରିତ ପେମେଣ୍ଟ ସିଷ୍ଟମରେ ୧୦ କୋଟି ଟଙ୍କାର ନେଣଦେଣ ହୋଇଛି ଏବଂ ଏହାର ଭାଲ୍ୟୁ ୨୪,୧୪୩ କୋଟି ଟଙ୍କା ଥିଲା । ଇମିଡିଏଟ୍ ପେମେଣ୍ଟ ସର୍ଭିସ୍(ଆଇଏମପିଏସ୍) ଜରିଆରେ ସେପ୍ଟେମ୍ବରରେ ୫.୬୫ ଲକ୍ଷ କୋଟି ଟଙ୍କାର ନେଣଦେଣ ହୋଇଛି । ଏଥିରେ ବାର୍ଷିକ ଆଧାରରେ ୧୧ ପ୍ରତିଶତ ବୃଦ୍ଧି ଦେଖିବାକୁ ମିଳିଛି ।
