ଲକ୍ଷ୍ନୌ: ଶ୍ରମିକଙ୍କ ସ୍ଥାନାନ୍ତର ନେଇ ଉତ୍ତରପ୍ରଦେଶରେ ବସ୍ ରାଜନୀତି ସରଗରମ । କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀଙ୍କ ବସ୍ ତାଲିକାକୁ ନେଇ ଯୋଗୀ ସରକାର ପାଲଟା ଆକ୍ରମଣ କରିବା ଘଟଣା ସାରା ପ୍ରଦେଶକୁ ସରଗରମ କରି ରଖିଛି । ଶ୍ରମିକଙ୍କୁ ସ୍ଥାନାନ୍ତର ନିମନ୍ତେ କଂଗ୍ରେସ ଦେଇଥିବା ବସ୍ ତାଲିକାରେ ମୋଟର ସାଇକେଲ, ସ୍କୁଟର, ଅଟୋରିକ୍ସା, ଆମ୍ବୁଲାନ୍ସ ନମ୍ବର ରହିବା ଘଟଣାକୁ ନେଇ ଚାଲିଛି ବାକ୍ୟ ଯୁଦ୍ଧ । ଏପରି ସ୍ଥିତିରେ କୋଟାରୁ ଛାତ୍ରଛାତ୍ରୀଙ୍କୁ ପଠାଇବା ନିମନ୍ତେ ରାଜସ୍ଥାନ ସରକାର ଉତ୍ତରପ୍ରଦେଶ ସରକାରଙ୍କୁ ଯେଉଁ ବସ୍ ବିଲ୍ ଦିଆଯାଇଛି ତାହାକୁ ନେଇ ପୁଣି ଥରେ ରାଜନୀତି ତେଜିଛି । ଏହି ପ୍ରସଙ୍ଗରେ ଯୋଗୀ ସରକାରକୁ ସମର୍ଥନ କରିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ବିଏସପି ଅଧ୍ୟକ୍ଷା ମାୟାବତୀ । ଏହା ସହିତ କଂଗ୍ରେସକୁ ‘କାଙ୍ଗାଳ’ ବୋଲି ଅଭିହିତ କରି ଦଳ ରାଜନୀତି କରୁଛି ବୋଲି କଡ଼ା ଭାଷାରେ କହିଛନ୍ତି ।
1. राजस्थान की कांग्रेसी सरकार द्वारा कोटा से करीब 12000 युवा-युवतियों को वापस उनके घर भेजने पर हुए खर्च के रूप में यूपी सरकार से 36.36 लाख रुपए और देने की जो माँग की है वह उसकी कंगाली व अमानवीयता को प्रदर्शित करता है। दो पड़ोसी राज्यों के बीच ऐसी घिनौनी राजनीति अति-दुखःद। 1/3
— Mayawati (@Mayawati) May 22, 2020
କଂଗ୍ରେସ ସରକାର ଦ୍ୱାରା କୋଟାରୁ ପାଖାପାଖି ୧୨ ହଜାର ଲୋକଙ୍କୁ ନିଜ ନିଜ ଘରକୁ ପଠାଇବା ପାଇଁ କଂଗ୍ରେସ ୩୬ ଲକ୍ଷ ଟଙ୍କାର ଯେଉଁ ବିଲ ଉତ୍ତର ପ୍ରଦେଶ ସରକାରଙ୍କୁ ଦେଇଛି ତାହା କଂଗ୍ରେସର ଅମାନବୀୟ ଓ କାଙ୍ଗାଳ ପରିସ୍ଥିତିକୁ ଦର୍ଶାଉଛି ବୋଲି ଟ୍ବିଟ୍ କରିଛନ୍ତି ମାୟାବତୀ । ଦୁଇ ପଡୋଶୀ ରାଜ୍ୟ ମଧ୍ୟରେ ଏହିଭଳି ଘୃଣ୍ୟ ରାଜନୀତି ଅତ୍ୟନ୍ତ ନିନ୍ଦନୀୟ ଏବଂ ଦୁଖଦ ବୋଲି ସେ କହିଛନ୍ତି ।
2. लेकिन कांग्रेसी राजस्थान सरकार एक तरफ कोटा से यूपी के छात्रों को अपनी कुछ बसों से वापस भेजने के लिए मनमाना किराया वसूल रही है तो दूसरी तरफ अब प्रवासी मजदूरों को यूपी में उनके घर भेजने के लिए बसों की बात करके जो राजनीतिक खेल खेल कर रही है यह कितना उचित व कितना मानवीय? 2/3
— Mayawati (@Mayawati) May 22, 2020
ସେହିପରି ପ୍ରବାସୀ ଶ୍ରମିକଙ୍କୁ ଘରକୁ ପଠାଇବା ନିମନ୍ତେ ବସ୍ ଯୋଗାଡ଼ କରିବା ପ୍ରସଙ୍ଗକୁ ମଧ୍ୟ କଂଗ୍ରେସକୁ ନିଶାଣ କରିଛନ୍ତି ମାୟାବତୀ । ଅନ୍ୟ ଏକ ଟ୍ବିଟରେ ରାଜସ୍ଥାନ ସରକାର ଏକପକ୍ଷରେ କୋଟାରୁ ଉତ୍ତର ପ୍ରଦେଶକୁ ଛାତ୍ରଛାତ୍ରୀଙ୍କୁ ନିଜ ଘରକୁ ପଠାଇବା ପାଇଁ ମନ ଇଛା ଭଡା ଅସୁଲ କରୁଛି | ଅନ୍ୟ ପକ୍ଷରେ ପ୍ରବାସୀ ଶ୍ରମିକଙ୍କୁ ଉତ୍ତର ପ୍ରଦେଶ ନିଜ ଘରକୁ ପଠାଇବା ପାଇଁ ବସ୍ ପ୍ରସଙ୍ଗ ଉଠାଇ ରାଜନୈତିକ ଖେଳ ଖେଳୁଛି | ଏହା କେତେଦୂର ଯୁକ୍ତିଯୁକ୍ତ ଏବଂ ମାନବୀୟ ବୋଲି ସେ ପ୍ରଶ୍ନ କରିଛନ୍ତି ।
Comments are closed.