ସମ୍ବଲପୁର: ସ୍ଥାନୀୟ ଧନୁପାଲି ଥାନା ଅନ୍ତର୍ଗତ ସାକ୍ଷୀପଡା ନ୍ୟୁ ବ୍ୟାଙ୍କ କଲୋନୀ ଅଞ୍ଚଳରେ ମଙ୍ଗଳବାର ରାତିରେ ଚୋରି ଉଦ୍ୟମ ହୋଇଛି। ଏହାର ସିସିଟିଭି ଫୁଟେଜ ଏବେ ସାମାଜିକ ଗଣମାଧ୍ୟମ ଜରିଆରେ ଭାଇରାଲ ହୋଇଛି । ପ୍ରାପ୍ତସୂଚନାନୁଯାୟୀ, ମଙ୍ଗଳବାର ରାତ୍ରି ପ୍ରାୟ ୩ଟା ସମୟରେ ୫ ଜଣ ଯୁବକ କଲୋନୀ ଅଞ୍ଚଳରେ ଅନଧିକୃତ ଭାବରେ ପ୍ରବେଶ କରିଥିଲେ । ଗୋଟିଏ ଘରର ତାଲା ଭାଙ୍ଗି ପ୍ରବେଶ କରୁଥିବା ବେଳେ ସେଠାରେ କୁକୁର ଥିବାରୁ ଘରକୁ ପଶି ପାରି ନ ଥିଲେ। ଏହା ପରେ ଅନ୍ୟ ଏକ ଘରକୁ ଟାର୍ଗେଟ କରିଥିବା ବେଳେ ସେଠାରେ ମଧ୍ୟ ଚୋରି ଉଦ୍ୟମ ବିଫଳ ହୋଇଥିଲା । ଖବର ମିଳିବା ପରେ ଧନୁପାଲି ପୁଲିସ ସିସିଟିଭି ଫୁଟେଜ ଆଧାରରେ ଘଟଣାର ତଦନ୍ତ ଆରମ୍ଭ କରିଛି।
Comments are closed.