କେନ୍ଦୁଝରଗଡ଼: କେନ୍ଦୁଝର ସହର ଉପକଣ୍ଠ ନଇଗାଁସ୍ଥିତ ସେଣ୍ଟ ଜାୟିଭର୍ସ ସ୍କୁଲ ପରିସରରେ ରବିବାର ନୂତନ ଶିକ୍ଷାନୀତି ସଂସ୍କାର-୨୦୨୩ ନୂତନ ଶିକ୍ଷା ନୀତି ସଂସ୍କାର ଉପରେ ଶିକ୍ଷକଙ୍କ କ୍ଷମତା ନିର୍ମାଣ ଓ ଦକ୍ଷତା ବିକାଶ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ସିବିଏସ୍ଇ ଦ୍ୱାରା ନିଯୁକ୍ତ କେନ୍ଦ୍ରାପଡ଼ା ଜିଲା ହରିହର ନନ୍ଦ ବାଳାଶ୍ରମର ଅଧ୍ୟକ୍ଷା ବୀଣାପାଣି ଦାସ ଓ କଟକ ଜିଲା ନିଆଳିସ୍ଥିତ ଏବିଏସ୍ ଅକ୍ସଫୋର୍ଡ ଇଣ୍ଟରନ୍ୟାସନାଲ ସ୍କୁଲର ଅଧ୍ୟକ୍ଷ ଡ.ଅଭିରାମ ସାହୁ ପ୍ରଶିକ୍ଷକ ଭାବେ ଯୋଗଦେଇ ଶିକ୍ଷକ, ଶିକ୍ଷୟିତ୍ରୀ ଓ ଛାତ୍ରଛାତ୍ରୀଙ୍କୁ ଉନ୍ନତମାନର ବିକାଶ ନିମନ୍ତେ ଶିକ୍ଷାର ଗୁଣାତ୍ମକ ମାନ ଓ ପରିବର୍ତ୍ତିତ ଶିକ୍ଷାନୀତି ସମ୍ପର୍କରେ ବିସ୍ତୃତ ଭାବେ ଆଲୋକପାତ କରିଥିଲେ। ବିଦ୍ୟାଳୟର ଚେୟାରମ୍ୟାନ ଇଂ ଦେବବ୍ରତ ବେହେରାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ ଏହି ଶିବିରରେ ଅଧ୍ୟକ୍ଷ ହିମାଂଶୁ ଶେଖର ଘଡେଇ ଶିବିର ପରିଚାଳନା କରିଥିଲେ। ପ୍ରାରମ୍ଭରେ ଶିକ୍ଷୟିତ୍ରୀ ସୌମ୍ୟା ସାହୁ ଓ ଶିକ୍ଷକ ଲଗ୍ନଜିତ ସାହୁ ଶିବିର ଆୟୋଜନ ଓ ପରିଚାଳନାରେ ସହଯୋଗ କରିଥିବା ବେଳେ ବିଦ୍ୟାଳୟର ପ୍ରଶାସନିକ ଅଧିକାରୀ ଇଂ ମୃତ୍ୟୁଞ୍ଜୟ ନାୟକ ଶିବିରର ଉଦ୍ଦେଶ୍ୟ ଓ ଆଭିମୁଖ୍ୟ ସମ୍ପର୍କରେ ମତବ୍ୟକ୍ତ କରିଥିଲେ। ଶେଷରେ ଉପାଧ୍ୟକ୍ଷା ସଞ୍ଜୁକ୍ତା ଦାସ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article