ବୌଦ୍ଧ : ପେଟ୍ରୋଲ, ଡିଜେଲ, ରନ୍ଧନ ଗ୍ୟାସ ସମେତ ଅତ୍ୟାବଶକୀୟ ସାମଗ୍ରୀର ଦର ବୃଦ୍ଧି ପ୍ରତିବାଦରେ କଂଗ୍ରେସ ସମର୍ଥନରେ ଚାରିଗୋଟି ବାମପନ୍ଥି ଦଳ ପକ୍ଷରୁ ଦିଆଯାଇଥିବା ଓଡ଼ିଶା ବନ୍ଦ ଡାକରା ବୌଦ୍ଧରେ ସଂପୂର୍ଣ୍ଣ ସଫଳ ହୋଇଛି। କଂଗ୍ରେସ ଦଳ ଏହି ବନ୍ଦ ଡାକରାକୁ ସମର୍ଥନ ଜଣାଇଥିବାବେଳେ ଜିଲା କଂଗ୍ରେସ କମିଟିର ସଭାପତି ନବ କୁମାର ମିଶ୍ରଙ୍କ ନେତୃତ୍ୱରେ ଦଳୀୟ ନେତା ଓ କର୍ମୀମାନେ ସକାଳୁ ବୌଦ୍ଧ ମହାନଦୀ ବ୍ରିଜଛକଠାରେ ଯାନବାହାନ ଅଟାଇବା ସହ ପେଟ୍ରୋଲ, ଡିଜେଲ, ରନ୍ଧନ ଗ୍ୟାସ ସମେତ ଅତ୍ୟାବଶକୀୟ ସାମଗ୍ରୀର ଦର ବୃଦ୍ଧି ପ୍ରତିବାଦରେ ରାସ୍ତା ଉପରେ ଚୌକି ପକାଇ ବିକ୍ଷୋଭ ପ୍ରଦର୍ଶନ କରିଥିଲେ। ସକାଳ ୯ ଘଣ୍ଟା ପର୍ଯ୍ୟନ୍ତ କଂଗ୍ରେସ ପକ୍ଷରୁ ପ୍ରତୀକାତ୍ମକ ବିକ୍ଷୋଭ ପ୍ରଦାର୍ଶନ ପରେ ଦୂରଗାମୀ ଗାଡିଗୁଡିକୁ ଛାଡି ଦିଆଯାଇଥିଲା। ତେବେ ୯ଘଣ୍ଟାଠାରୁ ବୌଦ୍ଧ ଏନଏସି ଛକଠାରେ ସିପିଆଇ ନେତା ଅବକାଶ ସାହୁଙ୍କ ନେତୃତ୍ୱରେ ବିକ୍ଷୋଭ ଜାରି ରହିଥିଲା। ସିପିଆଇ କର୍ମୀମାନେ ଜିଲାପାଳଙ୍କ କାର୍ଯ୍ୟାଳୟ ସମେତ ସହରର ସମସ୍ତ ସରକାରୀ କାର୍ଯ୍ୟାଳୟ, ବ୍ୟାଙ୍କ, ଡାକଘରକୁ ବନ୍ଦ କରିଦେଇଥିଲେ। ଜିଲାରେ ଏହି ବନ୍ଦ ଡାକରା ସଂପୂର୍ଣ୍ଣ ସଫଳ ହୋଇଥିଲା। ବହୁ ସଂଖ୍ୟାରେ କଂଗ୍ରେସ ଓ ସପିଆଇ କର୍ମୀ ବନ୍ଦ ଓ ବିକ୍ଷୋଭରେ ସାମିଲ ହୋଇଥିଲେ।
Popular Categories
Previous article
Next article