ଭୁବନେଶ୍ୱର: ରାଜ୍ୟସ୍ତରୀୟ ଜାତୀୟ ମତଦାତା ଦିବସ ମୁଖ୍ୟ ନିର୍ବାଚନ ଅଧିକାରୀଙ୍କ ସମ୍ମିଳନୀ କକ୍ଷରେ ଅନ୍ଲାଇନ୍ ମାଧ୍ୟମରେ ପାଳିତ ହୋଇଯାଇଛି। ଏହି ଅବସରରେ ମୁଖ୍ୟ ନିର୍ବାଚନ ଅଧିକାରୀ ଶ୍ରୀ ସୁଶୀଲ କୁମାର ଲୋହାନୀ ମୁଖ୍ୟଅତିଥି ଭାବେ ଯୋଗଦେଇ ନୂତନ ଓ ଯୁବ ଭୋଟରମାନଙ୍କୁ ଶପଥ ପାଠ କରାଇବା ସହ ନିର୍ବାଚନରେ ଅଂଶଗ୍ରହଣ ନିମନ୍ତେ ସେମାନଙ୍କ ଦାୟିତ୍ୱ ଓ କର୍ତ୍ତବ୍ୟ ସଂପର୍କରେ ଅବଗତ କରାଇଥିଲେ। ନୂତନ ଓ ଯୁବ ଭୋଟରମାନଙ୍କୁ ରାଜନୈତିକ ପ୍ରକ୍ରିୟାରେ ସାମିଲ ନିମନ୍ତେ ଉତ୍ସାହିତ କରିବା ସହ ଗଣତାନ୍ତ୍ରିକ ମୂଲ୍ୟବୋଧ ପ୍ରତି ଅନୁପ୍ରାଣିତ କରାଇବା ହେଉଛି ମତଦାତା ଦିବସ ପାଳନର ମୁଖ୍ୟ ଉଦ୍ଦେଶ୍ୟ।
ଏହି କାର୍ଯ୍ୟକ୍ରମରେ ଆମନ୍ତ୍ରିତ ହୋଇ ଆସିଥିବା ୧୨ ଜଣ ନୂଆ (ପ୍ରଥମ ଥର) ଭୋଟର ନାଜନୀନ୍ ସୁଲ୍ତାନା, ପୁଣ୍ୟତୋୟା ମଲ୍ଲିକ, ଦେବବର୍ଣ୍ଣୀ ମହାପାତ୍ର, ଦିବ୍ୟଶ୍ଳୋକ ପଣ୍ଡା, ଦ୍ୱାରିକାନାଥ କର, ସ୍ୱାତି ସୁଲଗ୍ନା, ପ୍ରିୟାଂଶୁ ବର୍ଦ୍ଧନ, ଅନୁଶ୍ରିୟା ଜେନା, ପିଙ୍କି କର, ପ୍ରୀତି ଦ୍ୱିପା ରଣା, ସ୍ୱାଗତିକା ପାଲ୍ ଓ ପ୍ରତୀକ୍ଷା ଷଡଙ୍ଗୀଙ୍କୁ ମୁଖ୍ୟ ଅତିଥି ତଥା ମୁଖ୍ୟ ନିର୍ବାଚନ ଅଧିକାରୀ ଶ୍ରୀ ଲୋହାନୀ ଫଟୋ ପରିଚୟ ପତ୍ର ବଣ୍ଟନ କରିଥିଲେ ।
ଅନ୍ୟମାନଙ୍କ ମଧ୍ୟରେ ଏହି କାର୍ଯ୍ୟକ୍ରମରେ ଅତିରିକ୍ତ ମୁଖ୍ୟ ନିର୍ବାଚନ ଅଧିକାରୀ ଭବାନୀ ପ୍ରସାଦ ରାୟ, ଯୁଗ୍ମ ମୁଖ୍ୟ ନିର୍ବାଚନ ଅଧିକାରୀ ସଂଘମିତ୍ରା ଶତପଥୀ ଓ ଶତ୍ରୁଘ୍ନ କର, ଉପମୁଖ୍ୟ ନିର୍ବାଚନ ଅଧିକାରୀ ପ୍ରମୋଦ କୁମାର ସାହୁ, ଭୁବନେଶ୍ୱର ଉପଜିଲ୍ଲାପାଳ ଦେବବ୍ରତ ସାହୁଙ୍କ ସମେତ ବିଭାଗର ଅନ୍ୟାନ୍ୟ ଅଧିକାରୀମାନେ ଉପସ୍ଥିତ ଥିଲେ।
