ନୂଆଦିଲ୍ଲୀ : ଷ୍ଟେଟ୍ ବ୍ୟାଙ୍କ୍ ଅଫ୍ ଇଣ୍ଡିଆର ସ୍ବତନ୍ତ୍ର ଫିକ୍ସଡ ଡିପୋଜିଟ୍ ସ୍କିମ୍ ଅମୃତ କଳସ ଚଳିତ ମାସ ଶେଷ ଅର୍ଥାତ୍ ମାର୍ଚ୍ଚ ୩୧ ତାରିଖରେ ସମାପ୍ତ ହୋଇଯିବ । ଏହି ସ୍କିମ୍ ଅନୁସାରେ ସିନିୟର ସିଟିଜନ(ବରିଷ୍ଠ ନାଗରିକ)ଙ୍କୁ ଏଫଡିରେ ୭.୬୦ ପ୍ରତିଶତ ଏବଂ ଅନ୍ୟମାନଙ୍କୁ ୭.୧୦ ପ୍ରତିଶତ ବାର୍ଷିକ ସୁଧ ଦିଆଯାଉଛି । ଏହି ଫିକ୍ସଡ ଡିପୋଜିଟ ସ୍କିମରେ ୪୦୦ ଦିନ ପାଇଁ ନିବେଶ କରିବାକୁ ହୋଇଥାଏ । ଯଦି ଆପଣ ଏଫଡିରେ ସୁଧ ଅଧିକ ଚାହୁଁଛନ୍ତି ତେବେ ଏହି ସ୍କିମରେ ନିବେଶ କରିପାରିବେ ।
ଏହା ଏକ ସ୍ବତନ୍ତ୍ର ରିଟେଲ ଟର୍ମ ଡିପୋଜିଟ୍ ବା ଏଫଡି । ଏଥିରେ ବରିଷ୍ଠ ନାଗରିକଙ୍କୁ ୭.୬୦ ପ୍ରତିଶତ ଏବଂ ସାଧାରଣ ନାଗରିକଙ୍କୁ ୭.୧୦ ପ୍ରତିଶତ ହାରରେ ସୁଧ ମିଳିଥାଏ । ଏଥିରେ ସର୍ବାଧିକ ୨ କୋଟି ଟଙ୍କାର ଏଫଡି କରିହୁଏ । ଅମୃତ କଳସ ସ୍କିମ ଅନୁସାରେ ଆପଣଙ୍କୁ ସୁଧର ପୈଠ ପ୍ରତି ମାସିକ, ପ୍ରତି ତ୍ରୈମାସିକ ଏବଂ ପ୍ରତି ୬ ମାସରେ କରାଯାଏ । ଆପଣ ନିଜ ସୁବିଧା ଅନୁସାରେ ଏଫଡି ସୁଧର ପୈଠ ନିର୍ଦ୍ଧାରିତ କରିପାରିବେ । ଆପଣ ଏଥିରେ ଅନଲାଇନ୍ ବା ଅଫଲାଇନରେ ନିବେଶ କରିପାରିବେ ।
