ତ୍ରିସ୍ତରୀୟ ପଞ୍ଚାୟତ ନିର୍ବାଚନ: ଖେଳ, ପିକନିକ୍ ,ପୂଜା ମହୋତ୍ସବ ମାଧ୍ୟମରେ ବଳ ସାଉଁଟୁଛନ୍ତି ନେତା

ରେଙ୍ଗାଲି: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ତିଥି, ବାର, ତାରିଖ ଘୋଷଣା ବାକି ରହିଛି। ସେହିପରି ନିର୍ବାଚନର ଫାଇନାଲ୍ ବିଗୁଲ୍ ବାଜିବା ପୁର୍ବରୁ ଅଶାୟୀ ପ୍ରାର୍ଥୀ ମାନଙ୍କ ମଧ୍ୟରେ ଛକା ପଞ୍ଝା ଚାଲିଛି। ଦଳୀୟ ମୁଖିଆଙ୍କ ଆସ୍ଥା ଭାଜନ ହେବାକୁ ଅଶାୟୀମାନେ ବ୍ୟାପକ କସରତ କରୁଥିବାର ଦେଖିବାକୁ ମିଳୁଛି। ଆଶାୟୀମାନେ ଯୁବ ଭୋଟରମାନଙ୍କୁ ନିଜ ଆଡକୁ ଆକୃଷ୍ଟ କରିବାକୁ କ୍ରିକେଟ, ଫୁଟବଳ ବିଭିନ୍ନ ପୂଜା ମହୋତ୍ସବ ଆଦିର ଆୟୋଜନର ମୁଖ୍ୟ ପୁରୋଧା ସାଜି ଏସବୁ ଆୟୋଜନର ସିଂହଭାଗ ଅର୍ଥ ନିଜେ ବହନ କରୁଥିବାର ବିଭିନ୍ନ ମହଲରେ ଚର୍ଚ୍ଚା ହେଉଛି।
ଆଶାୟୀ ପ୍ରାର୍ଥୀ ମାନେ ବଳ ସାଉଁଟିବା ପାଇଁ ଯୁବ ଭୋଟର ମାନଙ୍କୁ ଆକୃଷ୍ଟ କରିବାକୁ ଆର୍ଥିକ ପ୍ରୋତ୍ସାହନ ଦେଇ ପିକନିକ ପାର୍ଟିର ଆୟୋଜନ କରାଇ ଶକ୍ତି ବୃଦ୍ଧିର ପ୍ରୟାସ ଜାରି ରହିଖଛନ୍ତି। ଗାଁ ମାନଙ୍କରେ ଥିବା ବିଭିନ୍ନ ଗୋଷ୍ଠୀକୁ ହାତରେ ରଖିବାକୁ ଛୋଟ ଛୋଟ ଆକାର ଭୋଜିଭାତରେ ଲୋକଙ୍କୁ ଆପ୍ୟାୟିତ କରାଯାଉଛି। ଚା’ ଦୋକାନ, ପାନ ଦୋକାନ, ହୋଟେଲ ଆଦି ଖଟି ଆସର ଜମୁଥିବା ସ୍ଥାନ ମାନଙ୍କ ରେ ଆଶାୟୀ ପ୍ରାର୍ଥୀ ମାନେ ସମର୍ଥକ ଗହଣରେ ବସି ଭୋଟର ମାନଙ୍କୁ କିପରି ଆକୃଷ୍ଟ କରିହେବ ସେସଂକ୍ରାନ୍ତିୟ ରଣନୀତି ପ୍ରସ୍ତୁତ କରିବାରେ ବ୍ୟସ୍ତଥିବା ବେଳେ କିଏ ଟିକେଟ ପାଇବ କିଏ ବାଦ୍ ପଡିବ ସେନେଇ ମଧ୍ୟ ଅଙ୍କ କଷା ଦିନରାତି ଚାଲିଛି।