ନୂଆଦିଲ୍ଲୀ : ରେଡମି ନୋଟ୍ ୧୪ ସିରିଜ୍ ଭାରତରେ ଲଞ୍ଚ୍ ହୋଇଯାଇଛି । ଏହି ଲାଇନଅପରେ ୩ ସ୍ମାର୍ଟଫୋନ୍ ଆସେ ଯାହାର ନାଁ ରେଡମି ନୋଟ୍ ୧୪, ୧୪ ପ୍ରୋ ଏବଂ ୧୪ ପ୍ରୋ ପ୍ଲସ୍ । ଆଣ୍ଡ୍ରଏଡ୍ ୧୪ରେ ଆଧାରିତ ଏହି ଫୋନ ହାଇପରଓଏସରେ ଚାଲିବ ।
ରେଡମି ନୋଟ୍ ୧୪ ପ୍ରୋ ପ୍ଲସରେ ସବୁଠାରୁ ଅଧିକ ଫିଚର୍ସ ରହିଛି ଯେଉଁଥିରେ ୨୦ରୁ ଅଧିକ ଏଆଇ ଫିଚର୍ ଓ ଟ୍ରିପଲ କ୍ୟାମେରା ସିଷ୍ଟମ ରହିଛି । ଏହି ଫୋନ୍ ସ୍ନାପଡ୍ରାଗନ ୭ଏସ୍ ଜେନ୍ ୩ ପ୍ରୋସେସରରେ ଚାଲିଥାଏ । ସେହିଭଳି ନୋଟ୍ ୧୪ ଓ ନୋଟ୍ ୧୪ ପ୍ରୋରେ ମିଡିଆଟେକ୍ ଡାଇମେନସିଟି ୭୦୨୫ ଅଲ୍ଟ୍ରା ଓ ମିଡିଆଟେକ୍ ଡାଇମେନସିଟି ୭୩୦୦ ଅଲ୍ଟ୍ରା ପ୍ରୋସେସର ରହିଛି ।
ରେଡମି ନୋଟ୍ ୧୪ ପ୍ରୋ ପ୍ଲସର ୮ ଜିବି ରାମ୍ ଓ ୧୨୮ ଜିବି ଷ୍ଟୋରେଜ୍ ଭାରିଆଣ୍ଟର ଦାମ୍ ୩୦,୯୯୯ ଟଙ୍କା । କିନ୍ତୁ ବ୍ୟାଙ୍କ ଅଫର୍ ସହିତ ଏହାକୁ ୨୯,୯୯୯ ଟଙ୍କାରେ କ୍ରୟ କରିହେବ । ରେଡମି ନୋଟ୍ ୧୪ ପ୍ରୋର ୮ ଜିବି ରାମ୍ ଓ ୧୨୮ ଜିବି ଷ୍ଟୋରେଜ୍ ବିଶିଷ୍ଟ ମଡେଲର ଦାମ୍ ୨୪,୯୯୯ ଟଙ୍କା । ବ୍ୟାଙ୍କ ଅଫର ସହିତ ଏହାକୁ ୨୩,୯୯୯ ଟଙ୍କାରେ କିଣିପାରିବେ ଗ୍ରାହକ । ସେହିଭଳି ରେଡମି ନୋଟ୍ ୧୪ର ୬ ଜିବି ରାମ୍ ଓ ୧୨୮ ଜିବି ଷ୍ଟୋରେଜ୍ ବିଶିଷ୍ଟ ଫୋନର ଦାମ୍ ୧୮,୯୯୯ ଟଙ୍କା । ବ୍ୟାଙ୍କ ଅଫର ସହିତ ଏହାକୁ ୧୭,୯୯୯ ଟଙ୍କାରେ କିଣିହେବ । ସମସ୍ତ ଫୋନ୍ ୧୩ ଡିସେମ୍ବରରୁ ବିକ୍ରି ପାଇଁ ଉପଲବ୍ଧ ହେବ । ସମସ୍ତ ଭାରିଆଣ୍ଟରେ ୫୦ ମେଗାପିକ୍ସେଲର ରିୟର କ୍ୟାମେରା ରହିବା ସହିତ ୧୪ରେ ୧୬ ଏମପିର ଫ୍ରଣ୍ଟ କ୍ୟାମେରା, ୧୪ ପ୍ରୋରେ ୫୦ ମେଗାପିକ୍ସେଲର ଫ୍ରଣ୍ଟ କ୍ୟାମେରା ଓ ୧୪ ପ୍ରୋ ପ୍ଲସରେ ୨୦ ମେଗାପିକ୍ସେଲର ସେଲ୍ଫି କ୍ୟାମେରା ମିଳିବ ।
Comments are closed.