ନୂଆଦିଲ୍ଲୀ : ସ୍ମାର୍ଟଫୋନ୍ ନିର୍ମାତା କମ୍ପାନୀ ରିୟଲମି ନିକଟରେ ଭାରତୀୟ ବଜାରରେ ରିୟଲମି ଜିଟି ୬ଟି ସ୍ମାର୍ଟଫୋନରୁ ପରଦା ଉଠାଇଛି । ଏହି ସ୍ମାର୍ଟଫୋନ ଦେଶରେ ଜିଟି ସିରିଜକୁ ପୁଣି ନେଇଆସିଛି । ଡିଭାଇସର ପ୍ରଥମ ସେଲ୍ ଆସନ୍ତାକାଲିଠୁ ଆରମ୍ଭ ହେବ କିନ୍ତୁ ବ୍ରାଣ୍ଡ୍ ଡିଭାଇସକୁ ଶୀଘ୍ର ବିକ୍ରି କରିବା ପାଇଁ ଆଜି ଦ୍ବିପ୍ରହର ୧୨ଟାରୁ ୨ ଟା ପର୍ଯ୍ୟନ୍ତ ବିକ୍ରି ଆରମ୍ଭ କରିଦେଇଛି । ଏହି ସେଲରେ ଫୋନ ୨ ଘଣ୍ଟା ପୂର୍ବରୁ ସୋଲ୍ଡ ଆଉଟ୍ ହୋଇଯାଇଛି ।
ରିୟଲମି ଇଣ୍ଡିଆ ଔପଚାରିକ ରୂପେ ଘୋଷଣା କରିଛି କି ରିୟଲମି ଜିଟି ନୂଆ ରେକର୍ଡ କରିଛି କାରଣ ଏହା ମାତ୍ର ୨ ଘଣ୍ଟାରେ ବିକ୍ରି ହୋଇଯାଇଛି । ଏବେ ଏହି ସ୍ମାର୍ଟଫୋନର ପ୍ରଥମ ସେଲ୍ ଆସନ୍ତାକାଲି ଦ୍ବିପ୍ରହରୁ ରିୟଲମି ଷ୍ଟୋର, ରିୟଲମି ଓ୍ବେବସାଇଟ୍ ଏବଂ ଆମାଜନ ମାଧ୍ୟମରେ ଆରମ୍ଭ ହେବ । ଏହି ଫୋନର ୮ ଏବଂ ୧୨୮ ଜିବି ଭେରିଏଣ୍ଟର ଦାମ୍ ୩୦,୯୯୯ ଟଙ୍କା ଏବଂ ୮ ଜିବି-୨୫୬ ଜିବି ଭେରିଏଣ୍ଟର ଦାମ୍ ୩୨,୯୯୯ ଟଙ୍କା । ସେହିଭଳି ୧୨ ଏବଂ ୨୫୬ ଜିବି ଭେରିଏଣ୍ଟର ଦାମ୍ ୩୫,୯୯୯ ଟଙ୍କା ଥିବାବେଳେ ୧୨ ଏବଂ ୫୧୨ ଜିବି ଭେରିଏଣ୍ଟର ଦାମ୍ ୩୯,୯୯୯ ଟଙ୍କା ରଖିଛି କମ୍ପାନୀ ।
Every second added a new #TopPerformer to the GT squad. Breaking GT sales records, SOLD OUT in 2 hours! #realmeGT6T 🎉
Comment 📷 if you are one of the top performers and ones who did not get it, first sale goes live tomorrow at 12 Noon.
Explore more: https://t.co/E3MY1GAFwr pic.twitter.com/AWFNyihdY8— realme (@realmeIndia) May 28, 2024
ଏଥିରେ ଥ୍ରୀଡି କର୍ଭଡ ସ୍କ୍ରିନ୍ ଆସିଥାଏ । ୬.୭୮ ଇଞ୍ଚର ଓଏଲଇଡି ଡିସପ୍ଲେ ରହିଛି ଯାହା ଏଆଇ ପ୍ରୋଟେକ୍ସନ ସହିତ ଆସୁଛି । ଫୋନ୍ ସ୍ନାପଡ୍ରାଗନ ୭ ପ୍ଲସ ଜେନ୍ ଥ୍ରୀ ଏସଓସି ପ୍ରୋସେସର ସହିତ ଆଣୁଛି କମ୍ପାନୀ । ଫୋନରେ ୫୫୦୦ ଏମଏଏଚର ବ୍ୟାଟେରୀ ମିଳୁଛି ଯାହା ୧୨୦ ଓ୍ବାଟ୍ ସୁପରଭୁକ୍ ଚାର୍ଜିଂକୁ ସପୋର୍ଟ କରିବ । ଏଥିରେ ୫୦ ଓ ୮ ଏମପିର କ୍ୟାମେରା ସହିତ ସେଲ୍ଫି ପାଇଁ ୩୨ ଏମପିର ଫ୍ରଣ୍ଟ୍ କ୍ୟାମେରା ରହିଛି ।
Comments are closed.