ରାମନାଗୁଡା: ରାୟଗଡା ଜିଲ୍ଲା ରାମନାଗୁଡା ବ୍ଲକ ଅନ୍ତର୍ଗତ ପାରୀକ୍ଷିତି ପଞ୍ଚାୟତ ସ୍ଥିତ କୋଣ୍ଡାଜାମ ଗ୍ରାମ ରେ ଲଗାଣ ବର୍ଷାରେ ଦୁଇଟି ପରିବାର ବାସହରା ହୋଇ ପଡିଛନ୍ତି।ସୂଚନା ଥାଉ କି ଗତ କିଛି ଦିନ ଧରି ଅନବରତ ବର୍ଷା ଲାଗି ରହିଥିବା ବେଳେ ସୋମବାର ଦିନ ଲଘୁଚାପଜନିତ ବର୍ଷା ରେ ଗ୍ରାମ ରେ ବାସ କରୁଥିବା ବଳରାମ ବିଡ଼ିକା ପିତା ସୁକୃ ବିଡ଼ିକା ଆଦିବାସୀ ସମ୍ପ୍ରଦାୟର ରାତି ଘରେ ସୋଇଥିବା ଅବସ୍ଥାରେ ଘରର ସମ୍ପୂର୍ଣ୍ଣ କାନ୍ତ ଭୁଶୁଡି ପଡ଼ିଥିବା ବେଳେ ବଳରାମଙ୍କ ଘର ନିକଟରେ ବାସ କରୁଥିବା କାଳିବତୀ କରକରିଆଙ୍କ ଘରର କାନ୍ତ ମଧ୍ୟ ସମ୍ପୂର୍ଣ୍ଣ ଭୁଶୁଡି ପଡିଛି ସେହିପରି କୋଣ୍ଡାଜାମ ଗୁଡାର ସୁଦାମ କଲକା ଙ୍କ ଘର ସମ୍ପୂର୍ଣ୍ଣ ଭାଙ୍ଗି ଯାଇଥିବା ଜଣାପଡିଛି।ଉକ୍ତ ଘଟଣା ସମ୍ପର୍କରେ ଖବର ପାଇ ଆଜି ରାମନାଗୁଡା ରାଜସ୍ୱ ନିରୀକ୍ଷକ ଶ୍ରୀମତୀ ଭବାନୀ ଶବର କଣ୍ଡାଜାମ ଠାରେ ପହଞ୍ଚି କ୍ଷୟକ୍ଷତି ଆକଳନ କରି ସରକାରୀ ନିୟମ ଅନୁଯାୟୀ ସହାୟତା ଯୋଗାଇ ଦିଆଯିବ ବୋଲି କହିଛନ୍ତି ଏବଂ ପାରୀକ୍ଷିତି ସରପଞ୍ଚ ଗାୟତ୍ରୀ ମାଣ୍ଡାଙ୍ଗି, ଯୋଗାଣ ସହାୟକ ଶିବ ଶଙ୍କର ଧୋବା କ୍ଷତିଗ୍ରସ୍ତଙ୍କୁ ଭେଟି ଖାଦ୍ୟ ସାମଗ୍ରୀ ପ୍ରଦାନ କରିଥିଲେ।
Popular Categories
Previous article
Next article