ପରିତ୍ୟକ୍ତ ଯାତ୍ରୀ ବିଶ୍ରାମଗାର, ମରାମତି ଦାବି 

ରାଇକିଆ: ରାଇକିଆ ବ୍ଲକ୍ ଅନ୍ତର୍ଗତ ମଣ୍ଡାକିଆ ପଞ୍ଚାୟତରେ ଥିବା ଯାତ୍ରୀ ବିଶ୍ରାମଗାର ପରିତ୍ୟକ୍ତ ଅବସ୍ତାରେ ରହିଛି। ଛକରେ ଦୀର୍ଘ ଦିନ ଧରି ଯାତ୍ରୀଙ୍କ କୈାଣସି କାର୍ଯ୍ୟରେ ଏହି ଗୃହ ଆସୁନାହିଁ। ନିର୍ମାଣର କିଛି ଦିନ ଯାତ୍ରୀ ସେଠାରେ ରହି ବସକୁ ଅପେକ୍ଷା କରୁଥିଲେ। ରକ୍ଷଣବେକ୍ଷଣ ଅଭାବ ଯୋଗୁଁ ଗୃହ ଏବେ ଆଉ ଯାତ୍ରୀଙ୍କ କୈାଣସି ବ୍ୟବହାର ଉପ ଯୋଗୀ ହେଉନାହିଁ।ଗାଈ, ଗୋରୁ,ବୁଲା କୁକୁରଙ୍କ ଆଶ୍ରୟ ସ୍ଥଳ ପାଲଟିଛି।ସେହି ସ୍ଥାନକୁ ଯିବାଆସିବା ରାସ୍ତା ସମ୍ପୁର୍ଣ୍ଣ ଲଟା, ବୁଦାରେ ପରିପୂର୍ଣ୍ଣ ହୋଇଛି।

ବିଭିନ୍ନ ସରୀସୃପର ଭୟ ମଧ୍ୟ ରହୁଛି। ଏହି ପରି ପରିତ୍ୟକ୍ତ ଅବସ୍ଥାରେ ଯାତ୍ରୀ ଛୁଆ ପିଲାଙ୍କୁ ଧରି  ସେଠାରେ ବସା ଉଠା କରିବାକୁ ସୁରକ୍ଷା ମଣୁ ନାହାନ୍ତି। ଛକରେ ବସ୍ ଅପେକ୍ଷାରେ ରହୁଛନ୍ତି। ବର୍ଷା ଦିନରେ ନିକଟରେ ଥିବା ଦୋକାନରେ ଯାତ୍ରୀ ମୁଣ୍ଡ ଗୁଞ୍ଜିବାକୁ ପଡୁଛି।ତୁରନ୍ତ ଏହାକୁ ସଫାସୁତୁରା ଓ ମରାମତି କରି ଯାତ୍ରୀଙ୍କ ବ୍ୟବହାର ଉପଯୋଗୀ ପାଇଁ ଗ୍ରାମବାସୀ ଦାବି  କରିଛନ୍ତି।