ଫୁଲବାଣୀ : କନ୍ଧମାଳ ଜିଲ୍ଲା ସୁମେରବନ୍ଧ ପଞ୍ଚାୟତ ସୁମେରବନ୍ଧ ଅଞ୍ଚଳରେ ୯୯ ବାଟାଲିୟନ ବିଏସଏଫ ବାହିନୀ ଦ୍ୱାରା ଜନ ସମ୍ପର୍କ ଶିବିର ଅନୁଷ୍ଠିତ ହୋଇଛି । ଶିକ୍ଷା, ସ୍ୱାସ୍ଥ୍ୟ, କ୍ରୀଡାର ଉନ୍ନତି ପାଇଁ ଏହି ବିଏସଏଫ ଯବାନମାନେ ବିଭିନ୍ନ କାର୍ଯ୍ୟକ୍ରମ ଜାରି ରଖିଥିବା ଦେଖିବାକୁ ମିଳିଥିବାବେଳେ ଏହି ପରିପେକ୍ଷୀରେ କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ସୁମେରବନ୍ଧ ପଞ୍ଚାୟତର ସାଉଳିପଡାଠାରେ ଥିବା ଉଚ୍ଚମାଧ୍ୟମିକ ବିଦ୍ୟାଳୟ ପରିସରରେ ପଞ୍ଚାୟତର ମିଙ୍ଗୁନପଦରଠାରେ ନୂତନ ଭାବରେ ସ୍ଥାପିତ ହୋଇଥିବା ୯୯ ବାଟାଲିୟନ ବିଏସଏଫ ପକ୍ଷରୁ ଏକ ଜନସମ୍ପର୍କ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରରେ ବିଏସଏଫ ତରଫରୁ ସୁମେରବନ୍ଧ ପଞ୍ଚାୟତ ଅଧୀନରେ ଥିବା ସାଉଳିପଡା, ସାରଡୋଳି,କିଲେରପଡା ଓ ରାତାମାସ୍କା ଗ୍ରାମର ଗ୍ରାମବାସୀମାନଙ୍କୁ ନିମନ୍ତ୍ରଣ କରାଯାଇଥିବାବେଳେ ଶତାଧିକ ଲୋକ ଏହି କ୍ୟାମ୍ପରେ ଯୋଗଦେଇଥିଲେ । କ୍ୟାମ୍ପରେ ସୁମେରବନ୍ଧ ସରପଞ୍ଚ ଅତିଥି ଭାବରେ ଉପସ୍ଥିତ ଥିବାବେଳେ ବିଏସଏଫ ତରଫରୁ ସ୍କୁଲ ଛାତ୍ରଛାତ୍ରୀଙ୍କୁ ଶିକ୍ଷା ଉପକରଣ, ଅଞ୍ଚଳର ଖେଳାଳିମାନଙ୍କୁ ଖେଳ ଉପକରଣ ସହ ରୋଷେଇ ସାମଗ୍ରୀ, କମ୍ବଳ, ଲୁଙ୍ଗି, ଛତା, ଜୋତା, ଚପଲ, ଲାଇଟ ସହ ବିଭିନ୍ନ ପ୍ରକାର ନିତ୍ୟ ବ୍ୟବହାର୍ଯ୍ୟ ଉପକରଣ ବଣ୍ଟନ କରାଯାଇଥିଲା ।
Comments are closed.