ସମ୍ବଲପୁର: ପିଆଜ ଦର ନିୟନ୍ତ୍ରଣ ପାଇଁ ସମ୍ବଲପୁର ବିଚାର ମଞ୍ଚ ମୁଖ୍ୟମନ୍ତ୍ରୀଙ୍କ ନିକଟରେ ଦାବି କରିଛି। ଏହି ମର୍ମରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସମ୍ବଲପୁର ଅତିରିକ୍ତ ଜିଲାପାଳ ସୁଚାରୁ ବଳଙ୍କ ଜରିଆରେ ଏକ ଦାବିପତ୍ର ଦିଆଯାଇଛି। ମଞ୍ଚ ଦାବି କରିଛି ଯେ, ପିଆଜ ଏକ ନିତ୍ୟ ବ୍ୟବହାର୍ଯ୍ୟ ଅତ୍ୟାବଶ୍ୟକ ଦ୍ରବ୍ୟ। ଦିନକୁ ଦିନ ଏହାର ଆକାଶ ଛୁଆଁ ଦର ବୃଦ୍ଧି ପାଇଁ ଗରିବ, ଖଟିଖିଆ, ମଧ୍ୟବିତ୍ତ ଶ୍ରେଣୀର ଲୋକେ ଅସନ୍ତୋଷ ପ୍ରକାଶ କରୁଛନ୍ତି । ମାତ୍ର ୩ ମାସ ତଳେ ପିଆଜର ମୂଲ୍ୟ ୨୦ ଟଙ୍କା ଥିବା ବେଳେ ଏବେ ଏହା ୩ ଗୁଣ ବୃଦ୍ଧି ପାଇ ୬୦ ଟଙ୍କାରେ ପହଞ୍ଚିଛି । ଏହା ଦ୍ୱାରା ଅସାଧୁ ବ୍ୟବସାୟୀମାନେ ମନଇଚ୍ଛା ଦର ନେଉଥିବାରୁ ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ସହିତ କେନ୍ଦ୍ର ସରକାରଙ୍କ ସହାୟତାରେ ନାଫେଡ ଭଳି ସଂସ୍ଥାରୁ ପିଆଜ ଆଣି ଖାଉଟିଙ୍କୁ ଶସ୍ତା ଓ ସୁଲଭ ଦରରେ ଯୋଗାଇ ଦିଆଯାଉ। କେନ୍ଦ୍ର ସରକାର ନାଫେଡ ଓ ଏନସିସିଏଫ ଜରିଆରେ ଚାଷୀଙ୍କଠାରୁ ସୁଲଭ ମୂଲ୍ୟରେ ପ୍ରାୟ ୪.୭ ଲକ୍ଷ ଟନ ପିଆଜ ମହଜୁଦ କରି ରଖିଛନ୍ତି ବୋଲି ମଧ୍ୟ ଦାବିପତ୍ରରେ ଉଲ୍ଲେଖ୍ୟ କରାଯାଇଛି। ମଞ୍ଚ ଆବାହକ ବେଣୁଧର ଦାଶଙ୍କ ନେତୃତ୍ୱରେ ଅମୂଲ୍ୟ ମିଶ୍ର, ଦୁର୍ଗା ମାଧବ ମିଶ୍ର, ପ୍ରଦୋଷ ମହାନ୍ତି, ମହମ୍ମଦ ଇସାକ, ବୀରେନ୍ଦ୍ର ରାଏ, ସୁବ୍ରତ ପଣ୍ଡା, ମମତା ପଣ୍ଡା, ଦିଲ୍ଲୀପ କୁଅଁର, ସୁବାସ ନନ୍ଦ, ସଞ୍ଜୟ ବର୍ମା, ସୁକେଶ ସିଂ ସ୍ୱରାଜ, ଆଶିଷ ମିଶ୍ର, ସାହିଲ ସୁନା, କିଶୋର ସୁନା ପ୍ରମୁଖ ଉପସ୍ଥିତ ଥିଲେ।
Popular Categories
Previous article
Next article