ନୂଆଦିଲ୍ଲୀ : ଅନଲାଇନ୍ କ୍ୟାବ୍ ସେବା ପ୍ରଦାନକାରୀ କମ୍ପାନୀ ଓଲା ଏକ ବଡ ଘୋଷଣା କରିଛି । କମ୍ପାନୀ ଏବେ ଗୁଗଲ ମ୍ୟାପ୍ସ ବ୍ୟବହାର କରିବନି । ବରଂ ଏବେ କମ୍ପାନୀ ନିଜର ମ୍ୟାପ୍ ବ୍ୟବହାର କରିବ । ଓଲା କ୍ୟାବ୍ସ ନିଜର ମ୍ୟାପ୍ ଲଞ୍ଚ୍ କରିଛି ଏବଂ ଏହାକୁ ଓଲା ମ୍ୟାପ୍ ନାଁ ଦିଆଯାଇଛି । କମ୍ପାନୀର ସହ-ପ୍ରତିଷ୍ଠାତା ତଥା ସିଇଓ ଭାବିଶ ଅଗ୍ରଓ୍ବାଲ ସାମାଜିକ ଗଣମାଧ୍ୟମ ପ୍ଲାଟଫର୍ମ ଏକ୍ସରେ ପୋଷ୍ଟ କରି ଏନେଇ ସୂଚନା ଦେଇଛନ୍ତି ।
ଓଲାର ସହ-ପ୍ରତିଷ୍ଠାତା ତଥା ସିଇଓ ଭାବିଶ ଅଗ୍ରଓ୍ବାଲ ଜଣାଇଛନ୍ତି କି ‘ଆମେ ପ୍ରତି ବର୍ଷ ଗୁଗଲ ମ୍ୟାପ୍ସ ପାଇଁ ୧୦୦ କୋଟି ଟଙ୍କା ଖର୍ଚ୍ଚ କରୁଥିଲୁ । କିନ୍ତୁ ଏବେ ଆମେ ନିଜ ଓଲା ମ୍ୟାପ୍ସକୁ ସ୍ବିଚ୍ କରିନେଇଛୁ ଏବଂ ଏହି ଖର୍ଚ୍ଚକୁ ସମ୍ପୂର୍ଣ୍ଣ ରୂପେ ବଞ୍ଚାଇଛୁ ।’ କହିରଖୁଛୁ କିଛି ମାସ ପୂର୍ବରୁ ଓଲା ମାଇକ୍ରୋସଫ୍ଟ ଅଜୁରରେ ନିଜ କ୍ଲାଉଡ୍ ଇନଫ୍ରାଷ୍ଟ୍ରକ୍ଚର ବଦଳାଇଥିଲା । ଏବେ କମ୍ପାନୀ ନିଜର ଇକୋସିଷ୍ଟମ ଚଲାଇବ ଯାହାକି କମ୍ପାନୀର ଅନେକ ଖର୍ଚ୍ଚ ବଞ୍ଚାଇବ । ଭାବିଶ ଅଗ୍ରଓ୍ବାଲ କହିଛନ୍ତି କି ଆଗକୁ ଓଲା ମ୍ୟାପ୍ସରେ ଅନେକ ନୂଆ ଫିଚର୍ସ ଯୋଡିହେବ ।
ପଶ୍ଚିମବଙ୍ଗରେ ନିର୍ମାଣ ହେଉଛି ଅବିକଳ ପୁରୀ ଭଳି ଜଗନ୍ନାଥ ମନ୍ଦିର, ପାର୍ଥକ୍ୟ କେବଳ..
Comments are closed.