ଲଡୁଗାଁ : କୋକସରା ଥାନା କୁସୁମଖୁଣ୍ଟି ଗାଁର ଯୁବକଙ୍କ ବିଦ୍ୟୁତ୍ ସଂସ୍ପର୍ଶରେ ଆସି ମୃତ୍ୟୁ ହୋଇଛି । କୁସୁମଖୁଣ୍ଟି ଗାଁ ନୂଆପଡ଼ାର ଯୁବକ ଦୁଃଖିଧନ ବେହେରା(୩୨) ପରିବାର ସମସ୍ତଙ୍କୁ ଦୁଃଖ ସାଗରରେ ଭସେଇ ଦେଇ ଚାଲିଗଲେ । ବାପ ଛେଉଣ୍ଡ ହେଇଗଲେ ତିନି ଝିଅ । କୁଲି ମଜୁରି କରି ସ୍ତ୍ରୀ ପଦ୍ମା ସହ ତିନି ଝିଅ ନେଇ ପରିବାର ବେଶ୍ ଖୁସିବାସିରେ ଚଳୁଥିଲେ । ପଡ଼ିଶା ଘର ବିଦ୍ୟୁତ ସଜାଡ଼ିବାକୁ ଯାଇଥିଲେ । ସେହି ସମୟରେ ପାଖ ବିଲରେ ଥିବା ବିଦ୍ୟୁତ୍ ପୋଲରେ ତାର ସଂଯୋଗ କରୁଥିବା ସମୟରେ ଛିଣ୍ଡା ତାର ସଂସ୍ପର୍ଶରେ ମୃତ୍ୟୁ ହୋଇଥିବା ଜଣାପଡିଛି । ଅନ୍ୟପଟେ ଗ୍ରାମବାସୀ ରବିବାର ସନ୍ଧ୍ୟା ୬ଟା ସମୟରୁ ଜାତୀୟ ରାଜପଥ ୨୬ କୁ ଅବରୋଧ କରିବା ସହ ମୃତକ ଯୁବକଙ୍କ ପରିବାରକୁ କ୍ଷତିପୂରଣ ପ୍ରଦାନ ଦାବି କରିଛନ୍ତି । କଳାହାଣ୍ଡି ଜୟପୁର ଯାତାୟାତ ଠପ ରହିଥିବା ବେଳେ ରାସ୍ତା ଦୁଇ କଡରେ ଯାତ୍ରୀବାହୀ ବସ ଓ ଅନ୍ୟ ଗାଡିମୋଟର ଅଟକି ରହିଛି। ଘଟଣାସ୍ଥଳରେ କୋକସରା ପୋଲିସ ଓ ରାସ୍ତା ଅବରୋଧରେ ବସିଥିବା ଲୋକଙ୍କ ମଧ୍ୟରେ ଆଲୋଚନା ଜାରି ରହିଛି । କ୍ଷତିପୂରଣ ଦାବିରେ ପରିବାର ଅଡି ବସିଛନ୍ତି । ତେବେ କିଛି ଲୋକ ଟାଟା ପାୱାର କାର୍ଯ୍ୟଳୟ ଗାଁରେ ରହିଥିବା ବେଳେ ବିତ୍ୟୁତ୍ ସଂଯୋଗୀକରଣରେ ଅବହେଳା ଓ ଜନୈକ ବିଦ୍ୟୁତ୍ ଉପଭୋକ୍ତାଙ୍କ ବିଭାଗୀୟ କର୍ମଚାରୀ ପ୍ରତି ବଦଳରେ ଦୁଃଖିଧନକୁ ଡାକିବା କଥାକୁ ଦାୟୀ କରିଛନ୍ତି ।
Popular Categories
Previous article
Next article