ସିମୁଳିଆ : ଯାଜପୁର ଓ ଭଦ୍ରକ ପରେ ବାଲେଶ୍ବର ଜିଲ୍ଲାକୁ ବ୍ୟାପିଲା ହଇଜା । ସମସ୍ତେ ମେଡ଼ିକାଲରେ ଭର୍ତ୍ତି ହୋଇଥିବାବେଳେ ଚିକିତ୍ସା ଜାରି ରହିଛି। ବାଲେଶ୍ଵର ଜିଲ୍ଲା ସିମୁଳିଆ ବ୍ଲକରୁ ୨୫ରୁ ଅଧିକ ଲୋକଙ୍କୁ ଝାଡ଼ାବାନ୍ତି ବ୍ୟାପିବା ପରେ ଅଞ୍ଚଳବାସୀ ଚିନ୍ତାରେ ପଡ଼ି ଯାଇଛନ୍ତି। ଦୁଇ ଦିନ ଧରି ଲୋକମାନଙ୍କୁ ଝାଡାବାନ୍ତି ବ୍ୟାପିବା ପରେ ସିମୁଳିଆ ମେଡ଼ିକାଲରେ ଅଧିକ ବେଡ ନଥିବାରୁ ରୋଗୀମାନେ ଭୟଭୀତ ଅଛନ୍ତି। ସିମୁଳିଆ ବ୍ଲକ ମାର୍କୋଣା,ଶ୍ୟାମ ସୁନ୍ଦର ପୁର, କୁଆଁରପୁର, ମଇତାପୁର, ବରି ଆଦି ଗ୍ରାମରେ କାୟା ମେଲାଇଚାଲିଛି ଝାଡା ବାନ୍ତି, ସମସ୍ତ ସିମୁଳିଆ ମେଡିକାଲରେ ଚିକିତ୍ସିତ ହେଉଥିବା ବେଳେ ଆଗକୁ ଆକ୍ରାନ୍ତ ସଂଖ୍ୟା ବଢିବା ନେଇ ଆଶଙ୍କା କରାଯାଉଛି l ସିମୁଳିଆ ମେଡ଼ିକାଲର ମୁଖ୍ୟ ଡାକ୍ତର ସମ୍ବିତ କୁମାର ଦାସଙ୍କୁ ପଚାରିବାରୁ ଏବେ ରୋଗୀ କଣ୍ଟ୍ରୋଲରେ ଥିବା ସୂଚନା ଦେବା ସହ ଖାଦ୍ୟପେୟ ନେଇ ଲୋକେ ସଚେତନ ହେବାକୁ ସେ ପରାମର୍ଶ ଦେଇଥିଲେ ।
Comments are closed.