ନୂଆଦିଲ୍ଲୀ: ଚୀନକୁ ଆଉ ଏକ ଝଟକା ଦେଇଛି ଭାରତ। ଚାଇନିଜ ଆପ ବନ୍ଦ ପରେ ଏବେ ୪୪ଟି ସେମି ହାଇସ୍ପିଡ ଏକ୍ସପ୍ରେସ ଟ୍ରନର ଚୁକ୍ତିନାମାକୁ ବାତିଲ କରିଛି ଭାରତ। ଏହାପାଇଁ ପୁନଃ ଟେଣ୍ଡର କରାଯିବ ବୋଲି ଭାରତୀୟ ରେଲ ମନ୍ତ୍ରାଳୟ ପକ୍ଷରୁ କୁହାଯାଇଛି।
ସୂଚନା ଅନୁଯାୟୀ, ଗତ ବର୍ଷ ଏଥିପାଇଁ ଟେଣ୍ଡର ଜାରି କରାଯାଇଥିଲା। ଗତ ମାସରେ ଯେତେବେଳେ ଟେଣ୍ଡରରେ କେବଳ ଚୀନ୍ ସହିତ ମିଳିତ ଉଦ୍ୟମରେ ଥିବା ଜେଭି କମ୍ପାନୀ ଏହି ଚୁକ୍ତିନାମା ପାଇଥିଲା। ଏଥିରେ କେବଳ ସିଆରଆରସି ପାଇନିୟର ଇଲେକ୍ଟ୍ରିକ୍ ଇଣ୍ଡିଆ ପ୍ରାଇଭେଟ ଲିମିଟେଡ୍ ୬ ଜଣ ଆବେଦନକାରୀଙ୍କ ମଧ୍ୟରେ ଯୋଗ୍ୟ ବିବେଚିତ ହୋଇଥିଲା ।
- Advertisement -
ଚୁକ୍ତିନାମା ଅନୁଯାୟୀ, କମ୍ପାନୀ ୧୬ କୋଚ ବିଶିଷ୍ଟ ୪୪ଟି ବନ୍ଦେ ଭାରତ ଟ୍ରନ ପାଇଁ ଏହି ଚୁକ୍ତି ହୋଇଥିଲା। ୨୦୧୫ରେ ଚାଇନାର CRRC ୟୋଙ୍ଗଜୀ ଇଲେକ୍ଟ୍ରିକ୍ କମ୍ପାନୀ ଲିମିଟେଡ୍ ଏବଂ ଗୁରୁଗ୍ରାମ ସ୍ଥିତ ପୟୋନିଅର୍ ଫିଲ୍-ମେଡ୍ ପ୍ରାଇଭେଟ ଲିମିଟେଡ୍ ଦ୍ୱାରା ଜେଭି କମ୍ପାନୀ ଗଠନ କରାଯାଇଥିଲା।
