ମହିଳା ବିଶ୍ୱକପ: ୱେଷ୍ଟଇଣ୍ଡିଜକୁ ୩୧୮ ରନ୍‌ର ଟାର୍ଗେଟ ଦେଲା ଟିମ୍ ଇଣ୍ଡିଆ

ନୂଆଦିଲ୍ଲୀ: ମହିଳା ବିଶ୍ୱକପରେ ଭାରତର ଐତିହାସିକ ପ୍ରଦର୍ଶନ । ଓ୍ୱେଷ୍ଟଇଣ୍ଡିଜ ବିପକ୍ଷରେ ଭାରତ ଦମଦାର ପ୍ରଦର୍ଶନ କରିଛି । ନିର୍ଦ୍ଧାରିତ ଓଭରରେ ୮ ୱିକେଟ୍‍ ହରାଇ ଭାରତ ୩୧୭ ରନ୍‍ ହାସଲ କରିଛି । ୱେଷ୍ଟଇଣ୍ଡିଜକୁ ୩୧୮ ରନର ବିଜୟ ଲକ୍ଷ୍ୟ ଦେଇଛି ଭାରତୀୟ ମହିଳା ଟିମ୍‍ । ସବୁଠାରୁ ବଡ଼ କଥା ହେଉଛି ଭାରତର ଦୁଇ ବ୍ୟାଟର ସ୍ମୃତି ମନ୍ଧାନା ଓ ହରମନପ୍ରିତ କୌର ଶତକ ହାସଲ କରିଛନ୍ତି । ଆଜି ଟସ୍‍ ଜିତିବା ପରେ ଭାରତ ପ୍ରଥମେ ବ୍ୟାଟିଂ କରିଥିଲା । ମନ୍ଧାନା ୧୧୯ ବଲରେ ୧୩ ଟି ଚୌକା ଓ ଦୁଇଟି ଛକା ମାରିବା ସହ ୧୨୩ ରନ୍ ସଂଗ୍ରହ କରିଥିଲେ । ଏଥି ସହିତ ହରମନପ୍ରୀତ ମଧ୍ୟ ୧୦୭ ବଲରେ ୧୦୯ ରନ୍ ସଂଗ୍ରହ କରିଥିଲେ । ୧୦ ଚୌକା ଓ ଦୁଇଟି ଛକା ମାରିଥିଲେ । ଏହି ମୁକାବିଲାରେ ଭାରତ ୫୦ ଓଭରରେ ୩୧୭ ରନ୍ କରିଛି । ଯାହା ଭାରତର ବିଶ୍ୱକପରେ ସର୍ବାଧିକ ସ୍କୋର ବୋଲି କୁହାଯାଉଛି ।