ମେଷ: କେହି ପଥରୋଧର ଉଦ୍ୟମ କରି ବିଫଳ ହୋଇପାରନ୍ତି। ବିଭିନ୍ନ ଦିଗରୁ ଧନାଗମର ସୂଚନା ମିଳୁଛି। କର୍ମଚଞ୍ଚଳ ରହିବେ। କୀର୍ତ୍ତିଶାଳୀ ହୋଇପାରନ୍ତି। ସହିଷ୍ଣୁ ହେବେ। ଲୋଭହୀନ ଓ ଉଦାର ସ୍ୱଭାବଯୁକ୍ତ ହୋଇପାରନ୍ତି।
ବୃଷ: ଶ୍ରୀଚନ୍ଦ୍ର ଭୋଗ ହେତୁ ମିଷ୍ଟାନ୍ନ ଭୋଜନରେ ଆପ୍ୟାୟିତ ହେବେ। ଭଲ ଆୟ ହେବ; ମାତ୍ର କଷ୍ଟ ସହିବାକୁ ପଡ଼ିବ। ସ୍ୱାସ୍ଥ୍ୟରେ ଉନ୍ନତି ଘଟିବ। ସରକାର ହୁଅନ୍ତୁ ଅବା ବନ୍ଧୁ ହୁଅନ୍ତୁ ଉଭୟଙ୍କ ସହାୟତା ସ୍ୱଳ୍ପ ଲାଭଯୁକ୍ତ ହେବାର ସୂଚନା ମିଳୁଛି।
ମିଥୁନ: ଯାତ୍ରାକାଳୀନ ସତର୍କତାର ଆବଶ୍ୟକ ଅଛି। ପ୍ରତିଯୋଗିତାରେ ବିଜୟୀ ହେବେ। ବିବାଦୀୟ ବିତର୍କରେ ଭାଗ ନ ନେଇ ନିରବ ଦର୍ଶକ ସାଜି ପାରନ୍ତି। ଧର୍ମ କାର୍ଯ୍ୟରେ ମତି ବଳିବ। ଅଧିକ ଖର୍ଚ୍ଚାନ୍ତ ହୋଇପାରନ୍ତି। ମିଷ୍ଟଭାଷୀ ହେବେ। ଆଖି ପ୍ରତି ସାବଧାନ।
କର୍କଟ: ସାଧନାରେ ସିଦ୍ଧି ଲାଭ କରିବେ। ଆଶା ଫଳବତୀ ହେବ। ପ୍ରବଳ ମାତ୍ରାର ଜନ ସମର୍ଥନ ମିଳିବ। ଆୟ ଆଶାନୁରୂପ ହୋଇପାରେ। ଯଶସ୍ୱୀ ହେବେ। ଜ୍ଞାନ ଅର୍ଜନ ପାଇଁ ଆଗ୍ରହୀ ହେବେ। ସତ୍ କର୍ମରେ ନିଜକୁ ନିୟୋଜିତ କରିପାରନ୍ତି।
ସିଂହ: କାର୍ଯ୍ୟରେ ସଫଳତା ଲାଭ କରିବେ। ସୁସମ୍ବାଦ ପାଇ ଖୁସି ହେବେ। କର୍ମକ୍ଷେତ୍ର ଉଜ୍ଜ୍ୱଳମୟ ହେବ। ଆର୍ଥିକ ଅଭିବୃଦ୍ଧି ଆଶା କରାଯାଏ। ଶୁଭକାର୍ଯ୍ୟ ପାଇଁ ସମୟ ଅନୁକୂଳ ଅଛି। ଲାଗି ରହିଥିବା ବିବାଦର ଅବସାନ ଘଟିବ।
କନ୍ୟା: କାର୍ଯ୍ୟ କ୍ଷେତ୍ରରେ ମନବାଞ୍ଛା ପୂରଣ ହେବ। ଅଧିକ କ୍ଷମତା ହାସଲ କରି ତା’ର ସଦ୍ବ୍ୟବହାର କରିପାରନ୍ତି। ପ୍ରତିଯୋଗିତାରେ କୃତିତ୍ୱ ଅର୍ଜନ କରି ପ୍ରଶଂସାର ପାତ୍ର ହେବେ। ପ୍ରବଚନ ପ୍ରିୟ ହୋଇପାରନ୍ତି। ଲୋକପ୍ରିୟତା ଅର୍ଜନ କରିବେ।
ତୁଳା: ଦୂରଯାତ୍ରାରେ ସତର୍କତା ଜରୁରୀ, ସୁଖ ସନ୍ତୋଷ ଲାଭ କରିପାରନ୍ତି। ଆର୍ଥିକ ସ୍ଥିତି ନିମ୍ନଗାମୀ ହୋଇପାରେ। ସାମାନ୍ୟ ଅସୁସ୍ଥତା ଅନୁଭବ କରିପାରନ୍ତି। ଶୁଭକାର୍ଯ୍ୟ ବର୍ଜନୀୟ। ସ୍ୱାଭିମାନୀ ହେବେ। ଅଷ୍ଟମ ଚନ୍ଦ୍ର ପାଇଁ ସାବଧାନ ରହିବେ।
ବିଛା: ସୁଖକର ଘଟଣାମାନ ଘଟିପାରେ। କର୍ମକ୍ଷେତ୍ରକୁ ଉଜ୍ଜ୍ୱଳମୟ କରିପାରନ୍ତି। ଶୁଭକାର୍ଯ୍ୟ ପାଇଁ ବାତାବରଣ ସ୍ୱଚ୍ଛ ଓ ନିର୍ମଳ ରହିଛି। ପ୍ରୀତି ଭୋଜନରେ ଆପ୍ୟାୟିତ ହେବେ। ବନ୍ଧୁଙ୍କ ସାନ୍ନିଧ୍ୟ ପାଇ ଆନନ୍ଦ ଅନୁଭବ କରିବେ। ପତ୍ନୀଙ୍କ ପରାମର୍ଶରେ ଚଳିବେ।
ଧନୁ: ଶତ୍ରୁକୁ ପରାଜିତ କରି ମାନସିକ ଶାନ୍ତି ଫେରି ପାଇବେ। ଶୁଭ ଖବର ପାଇ ପ୍ରଫୁଲ୍ଲିତ ହେବେ। ବ୍ୟସ୍ତତା ମଧ୍ୟରେ ଦିନଟି ଅତିିବାହିତ ହେବ। ଶୁଭକାର୍ଯ୍ୟ ପାଇଁ ବାତାବରଣ ଅନୁକୂଳ ରହିଛି। ଋଣପରିଶୋଧ କରିପାରନ୍ତି। ସ୍ୱଚ୍ଛ ଓ ନିରାମୟ ରହିବେ।
ମକର: ଧର୍ମ କର୍ମ ସଂପାଦନ କରିପାରନ୍ତି। ଦ୍ରବ୍ୟ ନଷ୍ଟ ହେବାର ସୂଚନା ମିଳୁଛି। କେତେକ କ୍ଷେତ୍ରରେ ଭୁଲ ବୁଝାମଣା ଘଟିପାରେ। ପରିଶ୍ରମ ଯେତେ ଅଧିକ ହେଉ ନା କାହିଁକି; ତା’ର ମୂଲ୍ୟ ମିଳିବ। ବିଭିନ୍ନ ଦିଗରୁ ବିଶେଷ ଅର୍ଥ ପ୍ରାପ୍ତିର ସୁଯୋଗ ସୃଷ୍ଟି ହୋଇଛି।
କୁମ୍ଭ: ଶ୍ରମ ସାର୍ଥକ ହେବ। ପରୋପକାରୀ ହେବେ। ବିଦ୍ୱାନ୍ ଓ ଆଦରଣୀୟ ହେବେ। ହର୍ଷଯୁକ୍ତ ହେବା ସହିତ ଦାନ ଧ୍ୟାନରେ ରତ ହୋଇପାରନ୍ତି। ଧନାଗମର ସୂଚନା ମିଳୁଛି। ଧର୍ମାସକ୍ତ ଓ ମତିମାନ୍ ହୋଇପାରନ୍ତି। କାର୍ଯ୍ୟ କୁଶଳତା ମହାନ କରିପାରେ।
ମୀନ: ଶ୍ରମର ମୂଲ୍ୟାଙ୍କନ ହେବ। ଆର୍ଥିକ ସ୍ଥିତିରେ ସ୍ୱଚ୍ଛଳତା ଦେଖାଦେବ। ଶୁଭକାର୍ଯ୍ୟ ପାଇଁ ବାତାବରଣ ଅନୁକୂଳ ରହିଛି। ଠାକୁରଙ୍କ ଦର୍ଶନ ଲାଭ କରିପାରନ୍ତି। ଅଶାନ୍ତି ଦୂର ହେବ। ସରକାରୀ ସ୍ତରରୁ ଲାଭ ଉଠାଇବାକୁ ସକ୍ଷମ ହେବେ।
