ସମାଜ ଡିଜିଟାଲ ଡେସ୍କ: ୟୁଟ୍ୟୁବର ତଥା ବିଗବସ୍ ବିଜେତା ଏଲଭିସ ଯାଦବଙ୍କ ଘରକୁ ରବିବାର ସକାଳେ ଗୁଳିମାଡ଼ ହୋଇଛି। ଦୁର୍ବୃତ୍ତମାନେ ଏଲଭିସଙ୍କ ଗୁରୁଗ୍ରାମ ସେକ୍ଟର ୫୭ସ୍ଥିତ ଘର ଉପରକୁ ସକାଳ ସାଢ଼େ ୫ଟାରୁ ୬ଟା ମଧ୍ୟରେ ଗୁଳିମାଡ଼ କରିଛନ୍ତି। ଦୁର୍ବୃତ୍ତମାନେ ପ୍ରାୟ ୨୫ ରାଉଣ୍ଡ ଗୁଳିମାଡ଼ କରିଥିଲେ। ଘଟଣା ସମୟରେ ଏଲଭିସ ଘରେ ନ ଥିଲେ। ତେବେ ଏହି ଘଟଣାକୁ ନେଇ ଗୁରୁଗ୍ରାମରେ ଚାପା ଉତ୍ତେଜନା ପ୍ରକାଶ ପାଇଛି।
ଗୁରୁଗ୍ରାମ ପୁଲିସର ପିଆରଓ ସନ୍ଦୀପ କୁମାରଙ୍କ ସୂଚନା ଅନୁସାରେ, ୩ ଜଣ ମୁଖା ପିନ୍ଧା ଦୁର୍ବୃତ୍ତ ବାଇକରେ ଆସି ଏହି ଗୁଳିମାଡ଼ କରିଥିଲେ। ଦୁଇ ଡଜନରୁ ଅଧିକ ଗୁଳି ମାଡ଼ କରାଯାଇଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି। ତେବେ ଏଲଭିସଙ୍କୁ କ’ଣ ପାଇଁ ଟାର୍ଗେଟ କରାଯାଇଛି ତାହା ଜଣାପଡ଼ି ନାହିଁ।
ସୂଚନାଯୋଗ୍ୟ, ଗତ ଜୁଲାଇ ୧୪ରେ ବଲିଉଡ୍ ଗାୟକ ରାହୁଲ ଫଜିଲପୁରିଆଙ୍କ କାରକୁ ଗୁଳିମାଡ଼ ହୋଇଥିଲା। ଆକ୍ରମଣ ସମୟରେ ଫଜିଲପୁରିଆ କାରରେ ଥିଲେ। କିନ୍ତୁ ସୌଭାଗ୍ୟବଶତଃ ତାଙ୍କର କୌଣସି କ୍ଷତି ହୋଇ ନ ଥିଲା।
