ଭୁବନେଶ୍ଵର : କୋରାପୁଟର ପୂର୍ବତନ ବିଧାୟକ କୃଷ୍ଣଚନ୍ଦ୍ର ଶଗରିଆ ଜୟପୁର ବିଧାନସଭା ଆସନରୁ ଲଢିବେ ବୋଲି କହିଛନ୍ତି। କଂଗ୍ରେସ ଛାଡ଼ି ବିଏସପିରେ ମିଶିଥିବା ଶ୍ରୀ ସଗରିଆ ଜୟପୁର ବିଧାନସଭା ଆସନରୁ ବିଏସପି ଟିକେଟରେ ଲଢିବେ ବୋଲି ରବିବାର ଘୋଷଣା କରିଛନ୍ତି । ଏହା ପୂର୍ବରୁ ସେ ଭୁବନେଶ୍ଵର ଲୋକସଭା ଆସନରୁ ଲଢିବେ ବୋଲି କହିଥିଲେ।
ଜୟପୁର ବିଧାନସଭା ଆସନରେ ବିଜେଡି ପୂର୍ବତନ ବିଧାୟକ ରବିନାରାୟଣ ନନ୍ଦଙ୍କୁ ପ୍ରାର୍ଥୀ କରିଛି । ତେବେ ବରିଷ୍ଠ କଂଗ୍ରେସ ନେତା ତାରା ପ୍ରସାଦ ବାହିନୀପତି ୨୦୧୪ ନିର୍ବାଚନରେ ରବି ନାରାୟଣଙ୍କୁ ପରାସ୍ତ କରି ଏଠାରୁ ବିଜୟୀ ହୋଇଥିଲେ। ଏବେ କୃଷ୍ଣ ଶଗରିଆ ଏହି ଜୟପୁର ବିଧାନସଭା ନିର୍ବାଚନ ଲଢିବାକୁ ଘୋଷଣା କରିଛନ୍ତି।
- Advertisement -
ସୂଚନାଯୋଗ୍ୟ, କୋରାପୁଟର ପୂର୍ବତନ ବିଧାୟକ କୃଷ୍ଣଚନ୍ଦ୍ର ଶଗରିଆ କଂଗ୍ରେସ ଛାଡ଼ି ଫେବୃଆରୀ ୨ରେ ବହୁଜନ ସମାଜ ପାର୍ଟିରେ ଯୋଗ ଦେଇଥିଲେ। କୁନ୍ଦୁଲୀ ପୀଡ଼ିତାଙ୍କୁ ନ୍ୟାୟ ନଦେଇପାରିବାରୁ ସେ ଦଳ ଛାଡ଼ିଥିଲେ ବୋଲି କହିଥିଲେ।
