କାନାଡ଼ାରେ ହିନ୍ଦୁ ମନ୍ଦିରକୁ ବିଦ୍ରୂପ କଲେ ଖଲିସ୍ତାନୀ ସମର୍ଥକ, ସଂସଦରେ ଚିନ୍ତା ପ୍ରକଟ କଲେ ଭାରତୀୟ ବଂଶୋଦ୍ଭବ ସାଂସଦ

ସମାଜ ଡିଜିଟାଲ ଡେସ୍କ: କାନାଡ଼ା ବ୍ରିଟିଶ କଲମ୍ବିଆରେ ହିନ୍ଦୁ ମନ୍ଦିରକୁ ବିଦ୍ରୂପ କରିଛନ୍ତି ଖଲିସ୍ତାନୀ ସମର୍ଥକ। ଖଲିସ୍ତାନୀମାନେ ପ୍ରତିହିଂସା ପରାୟଣ ହୋଇ ଭାରତୀୟ ସଂସ୍କୃତିକୁ ନଷ୍ଟ କରିବାକୁ ଉଦ୍ୟମ କରିଛନ୍ତି। ଏହାକୁ ଦୃଢ଼ ନିନ୍ଦା କରିଛନ୍ତି କାନାଡ଼ା ସଂସଦର ସଦସ୍ୟ ତଥା ଭାରତୀୟ ବଂଶୋଦ୍ଭବ ଚନ୍ଦ୍ର ଆର୍ଯ୍ୟ। ଏଭଳି କାର୍ଯ୍ୟ ଦେଶରେ ଖଲସ୍ତାନୀ ଆତଙ୍କାବଦୀଙ୍କ ବୃଦ୍ଧି ପାଉଥିବା ପ୍ରଭାବକୁ ଦର୍ଶାଉଛି ବୋଲି ସେ ସଂସଦରେ ଉଦବେଗ ପ୍ରକାଶ କରି କହିଛନ୍ତି। ସମସ୍ତ କାନାଡ଼ାବସୀ ଏପରି ଘୃଣ୍ୟ କାର୍ଯ୍ୟ ବିରୋଧରେ ଏକତ୍ର ହୁଅନ୍ତୁ ବୋଲି ଆର୍ଯ୍ୟ ଦାବି କରିଛନ୍ତି।

ଦୁଇଦିନ ତଳେ ଏକ ଗୁରୁଦ୍ଵାରା ଉପରେ ଖଲିସ୍ତାନୀ ଆତଙ୍କୀମାନେ ଆକ୍ରମଣ କରି ତାହାର ପବିତ୍ରତା ନଷ୍ଟ କରିଥିଲେ। ଏହା ପରେ ପରେ ବ୍ରିଟିଶ କଲମ୍ବିଆର ସୁରେଠାରେ ଥିବା ଲକ୍ଷ୍ମୀ ନାରାୟଣ ମନ୍ଦିରର ସୌନ୍ଦର୍ଯ୍ୟ ନଷ୍ଟ କରି ତାହାକୁ ବିଦ୍ରୂପ କରିଦେଇଥିଲେ। ମନ୍ଦିର ମୁଖ୍ୟ ଫାଟକରେ ଖଲିସ୍ତାନୀ ସମର୍ଥିତ ସ୍ଳୋଗାନ ଲେଖିଥିଲେ।