କଲ୍ୟାଣସିଂହପୁର: ଅଯୋଧ୍ୟାଠାରେ ପ୍ରଭୁ ଶ୍ରୀରାମଚନ୍ଦ୍ରଙ୍କର ଭବ୍ୟ ପ୍ରତିଷ୍ଠା ଉତ୍ସବକୁ ଆଉ କିଛି ଦିନ ବାକି। ଏଣୁ ଭାରତର କୋଣ ଅନୁକୋଣକୁ ଅଯୋଧ୍ୟାରୁ ପହଞ୍ଚୁଛି ଅକ୍ଷତ କଳସ। ଯାହାକି ରାମ ମନ୍ଦିର ନିର୍ମାଣ ପାଇଁ ପ୍ରତ୍ୟେକ ଭାରତୀୟଙ୍କୁ ନିମନ୍ତ୍ରଣ ପତ୍ର ଦେବା ସହ ଗାଁ ଗାଁକୁ ପହଞ୍ଚୁଛି କଳସ। ରବିବାର ରାୟଗଡା ଜିଲ୍ଲା କଲ୍ୟାଣସିଂହପୁର ଜଗନ୍ନାଥପୁରରେ ନୂତନ ଭାବେ ହୋଇଥିବା ହନୁମାନ ମନ୍ଦିରରେ ଅକ୍ଷତ କଳସ ପହଞ୍ଚିଥିବା ଦେଖିବାକୁ ମିଳିଛି। ଗ୍ରାମର ମହିଳା ପୁରୁଷମାନେ ଭକ୍ତି ଭାବର ସହ ନିଜ ନିଜର ମାଟି କଳସ ଧରି ଗୈରିକ ଧ୍ୱଜା, ଘଣ୍ଟ, ଶଙ୍ଖ, ବାଦ୍ୟରେ ଖୋଜିରୀଗୁଡା ନାଳ ପାଖରେ ସ୍ୱାଗତ କରି ଏକ ବିରାଟ ପଟୁଆରରେ ପଦଯାତ୍ରାରେ ବାହାରି ଗ୍ରାମ ପରିକ୍ରମା କରି ଅଯୋଧ୍ୟା ଶ୍ରୀରାମଙ୍କ ପାଖରୁ ଆସିଥିବା ଅକ୍ଷତ କଳସକୁ ସ୍ଥାନୀୟ ହନୁମାନ ମନ୍ଦିରକୁ ପାଛୋଟି ନେଇଥିଲେ। ସେଠାରେ ଗୋଟିଏ ରାତି ରଖି ଜନସାଧରଣଙ୍କ ଦର୍ଶନ ପାଇଁ ଅକ୍ଷତ ରଖାଯିବାର ବ୍ୟବସ୍ଥା କରାଯାଇଛି। ପୂଜାର୍ଚ୍ଚନା କରାଯିବା ସହ ହନୁମାନ ଚାଳିଶା ପଠନ, ସଂକୀର୍ତ୍ତନ ଏବଂ ଭଜନ ପରିବେଷଣ କରାଯାଇ ଗୀତା ମହାପାଠ ଯଜ୍ଞ ଆଡ଼ମ୍ବର ସହକାରେ ଅନୁଷ୍ଠିତ ହୋଇଥିବା ଦେଖିବାକୁ ମିଳିଛି।
Popular Categories
Previous article
Next article