ଗୁରୁଗ୍ରାମ . — ଅତିରିକ୍ତ ଦୌରାଜଜ୍ କ୍ରିଷ୍ଣକାନ୍ତ ଶର୍ମାଙ୍କ ପୁଅ ଓ ପତ୍ନୀଙ୍କୁ ପୁଲିସ ପକ୍ଷରୁ ଦିଆଯାଇଥିବା ସୁରକ୍ଷା କର୍ମୀ ଗତ ସପ୍ତାହରେ ଗୁଳି ଚଳାଇ ହତ୍ୟା ଉଦ୍ୟମ କରିଥିଲା ।। ଚିକିତ୍ସାଧୀନ ଅବସ୍ଥାରେ ଜଜ୍ଙ୍କର ପତ୍ନୀ ଏହାର ପର ଦିନ ମୃତ୍ୟୁ ବରଣ କରିଥିଲେ ।ମେଦାନ୍ତ ହସ୍ପିଟାଲରେ ଗୁରୁତର ଅବସ୍ଥାରେ ଜଜ୍ଙ୍କର ପୁଅ ଧ୍ରୁବଙ୍କର ଚିକିତ୍ସା ଚାଲିଥିଲା । କିଛି ଦିନ ପରେ ଡାକ୍ତର ତାଙ୍କୁ ବ୍ରେନ୍ ଡେଡ୍ ଘୋଷଣା କରିଥିଲେ । ମଙ୍ଗଳବାର ସକାଳେ ଧ୍ରୁବଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ହେଲେ ତାଙ୍କର ପିତା ନିଜ ପୁତ୍ରର ଶରୀରର ଗୁରୁତ୍ୱପୂର୍ଣ୍ଣ ଅଂଶକୁ ଦାନ କରିଛନ୍ତି । ଧ୍ରୁବଙ୍କର ହୃଦ ଯନ୍ତ୍ର, ଯକୃତ(ଲିଭର),ବୃକକ୍(କିଡନୀ)କୁଦାନ ଦେଇଛନ୍ତି ।। ଏହା ଅନ୍ୟ କୌଣସି ବ୍ୟକ୍ତିର ଜୀବନ ବଞ୍ଚାଇବା ପାଇଁ ସହାୟକ ହୋଇ ପାରିବ । ଗୁଳି ଚଳାଇଥିବା ଏହି ସ୍ୱତନ୍ତ୍ର ପୁଲିସ କର୍ମଚାରୀକୁ ଗିରଫ କରାଯାଇଛି । ମହିପାଲ ସିଂ ନାମକ ଏହି ପୁଲିସ ମାନସିକ ବିଷାଦଗ୍ରସ୍ତ ରହିବା ସହ ଜଜ୍ଙ୍କର ପତ୍ନୀ ଓ ପୁଅ ତାକୁ ମାନସିକ ଭାବେ ଯନ୍ତ୍ରଣା ଦେଇଥିବା କହିଛି ।। ଏହି ପୁଲିସ କର୍ମଚାରୀର ସ୍ତ୍ରୀ ଶିକ୍ଷୟିତ୍ରୀ ଥିବାବେଳେ ଦୁଇଟି ସନ୍ତାନ ଅଛନ୍ତି ।
