ଝୁମ୍ପୁରା: ଝୁମ୍ପୁରା ସ୍ଥିତ ପଞ୍ଚାୟତ ସମିତି ମହାବିଦ୍ୟାଳୟ ପରିସରରେ ମହାବିଦ୍ୟାଳୟର ଅଧ୍ୟକ୍ଷ କୁଞ୍ଜବିହାରୀ ପ୍ରଧାନଙ୍କ ତ୍ୱତ୍ତାବଧାନରେ ନିଶାମୁକ୍ତ ସଚେତନତା ସଭା ଅନୁଷ୍ଠିତ ହୋଇଯାଇଛି। ଏହି ସଭାରେ ଏନଏସଏସର ଉଭୟ ଛାତ୍ରଛାତ୍ରୀ ତଥା ମହାବିଦ୍ୟାଳୟର ଅନ୍ୟ ବିଭାଗର ଛାତ୍ରଛାତ୍ରୀମାନେ ଯୋଗଦାନ କରିଥିଲେ। ବର୍ତ୍ତମାନ ମଦ ମନୁଷ୍ୟକୁ କିପରି ବିପଥଗାମୀ କରାଉଛି ଏବଂ ମଦ ପିଉଥିବା ବ୍ୟକ୍ତିମାନଙ୍କ ପରିବାରରେ ଦିନକୁ ଦିନ ଅଶାନ୍ତି କିପରି ବଢ଼ି ଚାଲିଛି ସେ ସମ୍ପର୍କରେ ଆଲୋକପାତ କରିଥିଲେ। ଜଣେ ବ୍ୟକ୍ତି ମଦ ପିଇବା ଦ୍ୱାରା ତାର ହିତାହିତ ଜ୍ଞାନ ଭୁଲି ପରିବାରଠାରୁ ଆରମ୍ଭ କରି ସାହି ପଡ଼ିଶା ତଥା ରାସ୍ତା ଘାଟରେ ଖରାପ ଭାଷା ଉଚ୍ଚାରଣ କରି ଆଗାମୀ ଯୁବପିଢିକୁ କିପରି ବିପଥଗାମୀ କରିବାର ରାସ୍ତା ଦେଖାଉଛି ସେ ସମ୍ପର୍କରେ ଆଲୋକପାତ କରିଥିଲେ। ଗ୍ରାମରେ କିଛି ବ୍ୟକ୍ତି ନିଶାସକ୍ତ ହୋଇ ବୁଲିବା ଦ୍ୱାରା ଆଗାମୀ ପିଢିକୁ କି ନୀତିଶିକ୍ଷା ମିଳୁଛି ତା ସହିତ ମଦ ପିଇବା ଦ୍ୱାରା ଶରୀରରେ କିପରି ରୋଗ ସୃଷ୍ଟି ହୋଇ ମଣିଷ ଶରୀରକୁ କ୍ଷୀଣ କରି ପକାଉଛି ସେ ସମ୍ପର୍କରେ ଆଲୋପାତ କରିଥିଲେ। ସରକାର ନିଶାଶକ୍ତ ବ୍ୟକ୍ତି ମାନଙ୍କ ପାଇଁ ଏପରୀ ଆଇନ ତିଆରୀ କରନ୍ତୁ ଯେପରୀ ଯେ ଆଗାମୀ ପୀଢିର ଯୁବ ସମାଜ ଏହି ଆଇନକୁ ଦେଖି ସଚେତନ ହୋଇପାରିବେ। ଏହି କାର୍ଯ୍ୟକ୍ରମରେ ଯୋଗଦାନ କରିଥିଲେ ଅଧ୍ୟାପକ ଶଶାଙ୍କ ଶେଖର ନାୟକ, ପ୍ରଦ୍ୟୁମ୍ନ କୁମାର, ବିନାୟକ ମହାନ୍ତ, ନମିତା ସାହୁ, ଜ୍ୟୋସ୍ନା ମହାନ୍ତ ତଥା ଏନଏସଏସ ପ୍ରୋଗାମ ଅଧିକାରୀ ତ୍ରିଲୋଚନ ମହାନ୍ତ ପ୍ରମୁଖ। ଏନଏସଏସର ଛାତ୍ରଛାତ୍ରୀମାନେ ଏହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
Comments are closed.