ସ୍ୱାସ୍ଥ୍ୟ ଜନିତ ସମସ୍ୟା ଦୂର ସହ ଜାଣନ୍ତୁ କିଛି ସ୍ୱାସ୍ଥ୍ୟ ଉପକାରୀ ଉପାୟ

ଧିରେ ଧିରେ ଅନୁଭବ ହେଲାଣି ଶୀତ। ଏଭଳି ସମୟରେ ନିଜ ସ୍ୱାସ୍ଥ୍ୟ ପ୍ରତି ଯତ୍ନ ନେବା ସହ ଦୈନନ୍ଦିନ ଜୀବନରେ କିଛି ଅତ୍ୟାବଶ୍ୟକ ଉପାୟ ବିଷୟରେ ଜାଣିବା ମଧ୍ୟ ଆବଶ୍ୟକ…..
ରାଶି –
ଥଣ୍ଡା ଦିନରେ ରାଶି ଜାତୀୟ ଖାଦ୍ୟ ଖାଇବା ଦ୍ୱାରା ଶରୀର ଉଷ୍ଣ ରହିଥାଏ। ଏଥିରେ କ୍ୟାଲସିୟମ, ପ୍ରୋଟିନ, ଭିଟାମିନ ଆଦି ପ୍ରଚୁର ମାତ୍ରାରେ ରହିଛି। ତେଣୁ ଏହାକୁ ଖାଇବା ଦ୍ୱାରା ଶରୀରକୁ ଶକ୍ତି ମିଳିଥାଏ। ମିଶ୍ରି ଓ ରାଶି ମିଶ୍ରିତ କାଢା ପିଇବା ଦ୍ୱାରା ଥଣ୍ଡା କାଶରୁ ମଧ୍ୟ ମୁକ୍ତି ମିଳିଥାଏ। ରାଶି ଲଡ଼ୁ ଖାଇବା ଦ୍ୱାରା ମଧ୍ୟ ସ୍ୱାସ୍ଥ୍ୟ ପାଇଁ ଉପକାରୀ।
ପନିପରିବା –
ନିୟମିତ ନିଜ ଖାଦ୍ୟରେ ବିନ୍ସ, କୋବି, ପାଳଙ୍ଗ ଶାଗ, ଗାଜର , ବିଟ, ଟମାଟୋ, ପିଆଜ ଆଦି ସାମିଲ କରନ୍ତୁ। ଏହା ସ୍ୱାସ୍ଥ୍ୟକୁ ଆବଶ୍ୟକ ପରିମାଣରେ ସମସ୍ତ ପୋଷକ ତତ୍ତ୍ୱ ଦେଇଥାଏ।
ଫଳ –
ଫଳ ଖାଇବା ପ୍ରତ୍ୟେକ ଋତୁରେ ଆବଶ୍ୟକ। ମାତ୍ର ଶୀତ ଦିନରେ ବିଶେଷ କରି କମଳା, ପିଜୁଳି, ଅଁଳା, ସେଓ, ଲେମ୍ବୁ, ନାସପାତି, କିୱି ଆଦି ଖାଆନ୍ତୁ। ଏହା ଶରୀରରେ ସମସ୍ତ ପ୍ରକାର ଭିଟାମିନର ଅଭାବକୁ ପୂରଣ କରିଥାଏ।
ଅଳସୀ –
ଅଳସୀର ମଞ୍ଜିରେ ଗୁଡ଼ ମିଶାଇ ଖାଇବା ଦ୍ୱାରା ଥଣ୍ଡା କାଶ ଦୂର ହୋଇଥାଏ। ଏହାସହ ଏହାକୁ ଖାଇବା ଦ୍ୱାରା ଶରୀର ଉଷ୍ଣ ରହିଥାଏ।
ବାଦାମ ଲଡ଼ୁ –
ବାଦାମରେ ଗୁଡ଼ ମିଶାଇ ଲଡ଼ୁ ପ୍ରସ୍ତୁତ କରି ଖାଆନ୍ତୁ। ଏହାକୁ ଶୀତ ଦିନେ ଖାଇବା ସ୍ୱାସ୍ଥ୍ୟ ପାଇଁ ବେଶ ଉପକାରୀ। ଏହା ଶରୀରକୁ ଆବଶ୍ୟକ ଶକ୍ତି ଯୋଗାଇବା ସହ ହୃଦୟ ଜନିତ ସମସ୍ୟାରୁ ମଧ୍ୟ ଦୂରେଇ ରଖେ।
ଡ଼୍ରାଏ ଫ୍ରୁଡ୍ସ –
ଶୀତ ଦିନେ ଡ଼୍ରାଏ ଫ୍ରୁଡ୍ସ ( ବାଦାମ, କାଜୁ, ଅଖରୋଟ )ଖାଇବା ଶରୀର ପାଇଁ ଅମୃତ ସହ ସମାନ ବୋଲି କୁହାଯାଏ। ଏହା ଶରୀରକୁ ଆବଶ୍ୟକ ପରିମାଣରେ ଶକ୍ତି ଯୋଗାଇବା ସହ ଶରୀରକୁ ଥଣ୍ଡାରୁ ଦୂରେଇ ରଖେ। ନିୟମିତ ଏହାକୁ ଖାଇବା ଦ୍ୱାରା ତ୍ୱଚା ପାଇଁ ମଧ୍ୟ ଲାଭଦାୟକ।
ଅଦା –
ଶୀତ ଦିନେ ଅଦାର ମଧ୍ୟ ସେବନ କରି ପାରିବେ। ଚା’ ହେଉ କିମ୍ବା ବ୍ୟଞ୍ଜନରେ ହେଉ ଅଦାକୁ ବ୍ୟବହାର କରି ଖାଇପାରିବେ।
ଯଦି ଆପଣଙ୍କୁ ବାରମ୍ବାର ବ୍ୟସ୍ତ ଲାଗିବା ଭଳି ଅନୁଭବ ହୋଇଥାଏ, ତେବେ ଆପଣ ନିୟମିତ ୨ରୁ ୩ ଥର ଗୁଜୁରାତି ନିଶ୍ଚୟ ଖାଆନ୍ତୁ। ଏପରି କରିବା ଦ୍ୱାରା ରକ୍ତ ଚାପ ସଠିକ ରହିବା ସହ ବ୍ୟସ୍ତତା ଅନୁଭବ ହୋଇଥାଏ।
ଗୁଜୁରାତି ଖାଇବା ଦ୍ୱାରା ପାଚନ ଜନିତ ସମସ୍ତ ସମସ୍ୟା ଦୂର ହୋଇଥାଏ। ଖାଦ୍ୟ ଭଲ ଭାବେ ହଜମ କରିବା ସହ ପାଚନ ତନ୍ତ୍ରକୁ ମଧ୍ୟ ସୁସ୍ଥ ରଖିଥାଏ। ନିୟମିତ ସକାଳେ ଗୁଜୁରାତିକୁ ସିଝାଇ ଏହାର ପାଣି ପିଇଲେ ପାଚନ ଜନିତ ସମସ୍ତ ସମସ୍ୟା ଦୂର ହୋଇଥାଏ।
ଗୁଜୁରାତିରେ ଆଣ୍ଟି-ଅକ୍ସିଡ଼ାଣ୍ଟ ରହିଛି। ଯାଦ୍ୱାରା ସ୍ୱାସ୍ଥ୍ୟ ପାଇଁ ବହୁ ଲାଭଦାୟକ। ଯେଉଁମାନଙ୍କୁ ମଧୁମେହ ହୋଇଛି, ସେମାନଙ୍କ ପାଇଁ ଗୁଜୁରାତି ବେଶ ଉପକାରୀ। ଚା’ ପିଉଥିଲେ ମଧୁମେହ ରୋଗୀମାନେ ଏଥିରେ ଗୁଜୁରାତି ପକାଇ ପିଇବା ଦ୍ୱାରା ରକ୍ତରେ ଶର୍କରାର ମାତ୍ରା ନିୟନ୍ତ୍ରିତ ହୋଇ ରହିଥାଏ।
ଯଦି ଆପଣଙ୍କୁ କାଶ, ଥଣ୍ଡା ଲାଗି ରହୁଥାଏ। ନିୟମିତ ରାତିରେ କିଛି ଗୁଜୁରାତି ଖାଇ ପାଣି ପିଅନ୍ତୁ। ଏହା ଖୁବ ଲାଭଫଳ ମିଳିଥାଏ। ଖାଦ୍ୟରେ ଗୁଜୁରାତି ବ୍ୟବହାର କରିବା ଦ୍ୱାରା ଖାଦ୍ୟ ସ୍ୱାଦିଷ୍ଟ ହେବା ସହ ଓଜନ ହ୍ରାସ ମଧ୍ୟ ହୋଇଥାଏ।
ସକାଳ ଉଠିବା ମାତ୍ରେ ପାଣି ପିଇବା ଆବଶ୍ୟକ। ପାଣି ନ ପିଇବା ଦ୍ୱାରା ସମସ୍ତ ଶରୀର ଓ ମୁଖ୍ୟତଃ ପାଚନ କ୍ରିୟା ଉପରେ ଏହାର କୁପ୍ରଭାବ ପଡ଼ିଥାଏ।
ଜଳଖିଆରେ ଘରେ ପ୍ରସ୍ତୁତ ଜୁସ ପିଅନ୍ତୁ। ପ୍ୟାକେଟରେ ଥିବା ଜୁସ ପିଅନ୍ତୁ ନାହିଁ। କାରଣ ଘରେ ପ୍ରସ୍ତୁତ ଜୁସ ଅପେକ୍ଷା ପ୍ୟାକେଟ ଜୁସ ରକ୍ତରେ ଶର୍କରାର ମାତ୍ରା ବଢାଇଥାଏ।
ଖାଦ୍ୟ ସର୍ବଦା ବସିବା ଅବସ୍ଥାରେ ହିଁ ଖାଆନ୍ତୁ। ଚାଲି ବୁଲି ଖାଦ୍ୟ ଖାଇଲେ ଏହା ସହଜରେ ହଜମ ହୋଇନଥାଏ।
ଜଳଖିଆରେ କଦାପି ବଜାରର ଖାଦ୍ୟ, ଯେପରି ବର୍ଗର, ପିଜ୍ଜା ଆଦୌ ଖାଆନ୍ତୁ ନାହିଁ। ଏହା ସ୍ୱାସ୍ଥ୍ୟ ପାଇଁ କ୍ଷତିକାରକ।
ସାଲାଡ଼, ପାଉଁରୁଟି, ଜୁସ, ସିଝା ଅଣ୍ଡା ସକାଳର ଜଳଖିଆ ପାଇଁ ଖୁବ ଉତ୍ତମ। ଏହାସହ ଉପମା, ଇଟିଲି ମଧ୍ୟ ଖାଇପାରିବେ।