କଣ୍ଟାବାଞ୍ଜି: କଣ୍ଟାବାଞ୍ଜି ଅବକାରୀ ପୁଲିସ ରବିବାର ୭ କେଜିରୁ ଊର୍ଦ୍ଧ୍ବ ଗଞ୍ଜେଇ ଜବତ କରିବା ସହ ଜଣଙ୍କୁ ଗିରଫ କରିଛି। ମିଳିଥିବା ସୂଚନା ଅନୁସାରେ, ଆଜି ସକାଳେ ପାଟ୍ରୋଲିଂ କରୁଥିବା ବେଳେ ବିଶ୍ୱସ୍ତ ସୂତ୍ରରୁ ଖବର ପାଇ ଅବକାରୀ ନିରୀକ୍ଷକ ସଚିନ ବେହେରାଙ୍କନିର୍ଦେଶ କ୍ରମେ କଣ୍ଟାବାଞ୍ଜି ଥାନା ଅନ୍ତର୍ଗତ ଧୂମସୁ ଗାଁ ଛକ ନିକଟରେ ଛକି ରହିଥିଲା। ଏତିକି ବେଳେ ଜଣେ ବାଇକ ଚାଳକକୁ ଅଟକାଇ, ବାଇକରେ ବନ୍ଧା ଯାଇଥିବା ଧଳା ରଙ୍ଗ ଜରି ଅଖା ଯାଞ୍ଚ କରିବା ପରେ ବସ୍ତାରେ ଗଞ୍ଜେଇ ଥିବା ପୁଲିସ ଜାଣିବାକୁ ପାଇଥିଲା ଓ ବାଇକ ଚାଳକକୁ ଗିରଫ କରିଥିଲା। ଏଥିସହ ବାଇକ ଜବତ କରିବା ସହ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ବସ୍ତାରେ ୭ କେଜି ୩୪୦ ଗ୍ରାମ ଗଂଜେଇ ଥିବା ଜଣାପଡ଼ିଛି। ଅଭିଯୁକ୍ତ ସଇଁତଳା ଥାନା ଗଣ୍ଡ ପତରାପାଲୀ ଗାଁର ସୂର୍ଯ୍ୟ ନାରାୟଣ ବେହେରାଙ୍କୁ ଗିରଫ କରି କଣ୍ଟାବାଞ୍ଜି ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟଙ୍କ ଅଦାଲତକୁ ଚାଲାଣ କରାଯାଇଛି। ଅଭିଯୁକ୍ତ ସୂର୍ଯ୍ୟ ନାରାୟଣଙ୍କ ଜାମିନ ଆବେଦନ ନାମଂଜୁର ହେବାରୁ ତାଙ୍କୁ କଣ୍ଟାବାଞ୍ଜି ଉପକାରାଗାରକୁ ପଠାଇ ଦିଆଯାଇଥିବା ଅବକାରୀ ଥାନା ସୂତ୍ରରୁ ଜଣାପଡିଛି। ପେଟ୍ରୋଲିଂ ବେଳେ ଅବକାରୀ ଥାନା ଅଧିକାରୀ ପ୍ରବୀଣ କୁମାର ସାହୁ, ଏଏସଆଇ ଆର୍ତତ୍ରାଣ ବହିଦାର, ମମତା ବେହେରା, କନଷ୍ଟେବଳ ଦେବାର୍ଚ୍ଚନ ଭୁଏ, ଆଶିଷ ପଟେଲ ଓ ଅର୍ଜୁନ ମିଶ୍ର ସାମିଲ ଥିଲେ।
Popular Categories
Previous article
Next article