ଲଣ୍ଡନ୍ : ୧୯୬୬ ବିଶ୍ବକପ୍ ବିଜୟୀ ଇଂଲଣ୍ଡ ଫୁଟବଲ ଦଳର ସଦସ୍ୟ ଥିବା ଜ୍ୟାକ୍ ଚାଲର୍ଟନଙ୍କ ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୮୫ ବର୍ଷ ବୟସ ହୋଇଥିଲା। ତାଙ୍କ ବଡ଼ ଭାଇ ବବି ଚାଲର୍ଟନ ମଧ୍ୟ ବିଶ୍ବକପ୍ ବିଜୟୀ ଦଳର ସଦସ୍ୟ ଥିଲେ।
କ୍ଲବସ୍ତରରେ ଜ୍ୟାକ୍ ଲିଡସ୍ ୟୁନାଇଟେଡ୍ ଦଳକୁ ପ୍ରତିନିଧିତ୍ବ କରି ଅନେକ ମ୍ୟାଚ୍ ଖେଳିଥିଲେ। ପରବର୍ତ୍ତୀ ସମୟରେ ସେ ଆୟର୍ଲାଣ୍ଡ ଫୁଟବଲ ଦଳର ମ୍ୟାନେଜର ଭାବେ ଦୀର୍ଘବର୍ଷ କାମ କରିଥିଲେ। ତାଙ୍କ ଅଧିନରେ ଆୟର୍ଲାଣ୍ଡ ଫୁଟବଲ ଦଳ ବେଶ୍ ସଫଳତା ପାଇଥିଲା। ତାଙ୍କୁ ୧୯୯୬ରେ ଆୟର୍ଲାଣ୍ଡର ନାଗରିକତା ପ୍ରଦାନ କରାଯାଇଥିଲା। ଜ୍ୟାକ୍ଙ୍କ ଶୁକ୍ରବାର ପରଲୋକ ହୋଇଥିବା ତାଙ୍କ ପରିବାର ତରଫରୁ ଗଣମାଧ୍ୟମକୁ ସୂଚନା ପ୍ରଦାନ କରାଯାଇଥିଲା। ଜ୍ୟାକ୍ଙ୍କ ପରଲୋକରେ ଲିଡ୍ସ ୟୁନାଇଟେଡ୍ କ୍ଲବ ତରଫରୁ ଗଭୀର ଶୋକବ୍ୟକ୍ତ କରାଯାଇଛି। ସେହିପରି ଜ୍ୟାକଙ୍କ ପରଲୋକରେ ତାଙ୍କ ଭାଇ ବବି ଚାଲର୍ଟନ ଶୋକବ୍ୟକ୍ତ କରିଛନ୍ତି। ଏହାବାଦ୍ ଇଂଲଣ୍ଡ ଓ ଆୟର୍ଲାଣ୍ଡ ଫୁଟବଲ ଦଳର ଅନେକ ସଦସ୍ୟ ଶୋକବ୍ୟକ୍ତ କରିବା ସହ ଶୋକସନ୍ତପ୍ତ ପରିବାର ପ୍ରତି ସମବେଦନା ଜ୍ଞାପନ କରିଛନ୍ତି।
ପୂର୍ବତନ ଇଂଲଣ୍ଡ ଫୁଟବଲର୍ ଜ୍ୟାକ୍ ଚାଲର୍ଟନଙ୍କ ପରଲୋକ
Popular Categories
Previous article
Next article