ପରଦାରେ ’ସାଇନା’

ମୁମ୍ବଇ: ବଲିଉଡ଼ ଅଭିନେତ୍ରୀ ପରିଣୀତି ଚୋପ୍ରା ଅଭିନୀତ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ସାଇନା’ ଶୁକ୍ରବାର(୨୬ ମାର୍ଚ୍ଚ) ମୁକ୍ତିଲାଭ କରିଛି। ବ୍ୟାଡ୍‌ମିଣ୍ଟନ୍‌ ତାରକା ସାଇନା ନେହୱାଲ୍‌ଙ୍କ ଜୀବନ କାହାଣୀ ଉପରେ ଆଧାରିତ ଏହି ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରି ପରିଣୀତି ଦର୍ଶକଙ୍କ ପ୍ରଶଂସା ସାଉଁଟିବାରେ ଲାଗିଛନ୍ତି। ଟ୍ରେଲର ରିଲିଜ୍‌ ହେବା ପରେ ଦର୍ଶକ ଫିଲ୍ମକୁ ନେଇ ଖୁବ୍‌ ଉତ୍ସାହିତ ଥିଲେ ଏବଂ ପରିଣୀତିଙ୍କ ଲୁକ୍‌କୁ ପସନ୍ଦ ମଧ୍ୟ କରିଥିଲେ। ଏହି କରୋନା କାଳରେ ମଧ୍ୟ ଫିଲ୍ମଟି ଭଲ ବ୍ୟବସାୟ କରିବ ବୋଲି ଚଳଚ୍ଚିତ୍ର ସମୀକ୍ଷକ ଏଂ ନିର୍ମାତାଙ୍କ ଆଶା ରହିଛି।

ଅମୋଲ ଗୁପ୍ତେଙ୍କ ନିର୍ଦେଶିତ ଏହି ଚଳଚ୍ଚିତ୍ରରେ ପରିଣୀତିଙ୍କ ବ୍ୟତୀତ ନାୟଶା କୌର ଭଟୋୟେ, ମେଘନା ମଲିକ, ମାନବ କୌଲ, ଏହସାନ୍‌ ନକ୍‌ବୀ, ଶୁଭ୍ରଜ୍ୟୋତି ପ୍ରମୁଖ କଳାକାର ଗୁରୁତ୍ବପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।