ଗୁଣୁପୁର: ରାୟଗଡା ଜିଲ୍ଲା ଗୁଣୁପୁରରେ ପୁଣି ହାତୀ ଆତଙ୍କ। ଜଙ୍ଗଲୀ ହାତୀ ଆକ୍ରମଣରେ ବୁଧବାର ଚାଲକମବା ଗ୍ରାମର ଗଦାଧର ସେନାପତି ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବା ଜଣାପଡିଛି। କାଲମା ଗ୍ରାମ ନିକଟସ୍ଥ ରୁପାପଦର ଗ୍ରାମରେ ଗତ କିଛି ଦିନ ଧରି ୬ ଟିକିଆ ହାତୀପଲ ଚଳପ୍ରଚଳ କରୁଥିବା ବେଳେ ବନ ବିଭାଗ ପକ୍ଷରୁ ହାତୀପଲଙ୍କ ଗତିବିଧି ଉପରେ ନଜର ରଖାଯାଇଥିଲା। ତେବେ ଆଜି ସ୍ଥାନୀୟ କିଛି ଲୋକ ବନ ବିଭାଗର ବାରଣ ସତ୍ତ୍ୱେ ହାତୀପଲଙ୍କୁ ଦେଖିବାକୁ ଯାଇଥିଲେ। ହଠାତ ଲୋକଙ୍କୁ ଦେଖି ହାତୀ ଆକ୍ରମଣ କରିବାକୁ ଉଦ୍ୟମ କରୁଥିବା ବେଳେ ଲୋକେ ପ୍ରାଣ ବିକଳରେ ଦୌଡ଼ି ପଳେଇ ଆସୁଥିବା ବେଳେ ଗଦାଧର ତଳେ ପଡିଯାଇଥିଲେ। ଫଳରେ ହାତୀ ତାଙ୍କୁ ଦଳି ଦେଇଥିବା ଜଣାପଡିଛି। ଘଟଣା ସ୍ଥଳରେ ବନ ବିଭାଗ ଓ ପୁଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି। ମୃତ ଗଦାଧର ସେନାପତିଙ୍କ ପରିବାରକୁ ଉପଯୁକ୍ତ ସହାୟତା ଯୋଗାଇ ଦେବାକୁ ଦାବୀ ହୋଇଛି।
Comments are closed.