ରେଳଧାରଣାରେ ହାତୀ ମୃତ୍ୟୁ ରୋକିବା ପାଇଁ ଆଇଡିଏସ୍‌‌ କାର୍ଯ୍ୟକାରୀ କରାଯିବ

ଡେସ୍କ : ରେଳଧାରଣାରେ ହାତୀ ମୃତ୍ୟୁ ରୋକିବା ପାଇଁ ପ୍ରଥମ ପର୍ଯ୍ୟାୟରେ ପୂର୍ବତଟ ରେଳପଥ ଅଧୀନରେ ଥିବା ୬ଟି ରେଳ ସେକସନ୍‌‌ର ପ୍ରାୟ ୨୦୦ କିଲୋମିଟର ଦୈର୍ଘ୍ୟ ରେଳଧାରଣାରେ ଅନୁପ୍ରବେଶ ଚିହ୍ନଟ ବ୍ୟବସ୍ଥା ବା ଇଣ୍ଟ୍ରୁଜନ୍‌‌ ଡିଟେକସନ୍‌‌ ସିଷ୍ଟମ- ଆଇଡିଏସ୍‌‌ କାର୍ଯ୍ୟକାରୀ କରାଯିବ। ହାତୀ ଚଳପ୍ରଚଳ କରୁଥିବା ସମ୍ବେଦନଶୀଳ ସ୍ଥାନରେ ଆଇଡିଏସ୍‌‌ ଲଗାଯିବ। ଏ ନେଇ ପୂର୍ବତଟ ରେଳପଥ ପକ୍ଷରୁ ୭୯ କୋଟି ୧୨ ଲକ୍ଷ ଟଙ୍କା ମଞ୍ଜୁର ହୋଇଛି। ଏହି ବ୍ୟବସ୍ଥା ଦ୍ୱାରା ରେଳ ଟ୍ରାକ୍‌‌ ନିକଟକୁ ଆସୁଥିବା ବଣୁଆ ହାତୀ ସମ୍ପର୍କରେ ରେଳ ଅଧିକାରୀ ସତର୍କ ହୋଇପାରିବେ। ଏଥିରେ ବ୍ୟବହୃତ ଅପ୍ଟିକାଲ୍ ଫାଇବରଗୁଡିକ ସେନ୍ସର
ଭାବରେ କାର୍ଯ୍ୟକାରୀ କରାଯିବ ଏବଂ ସମ୍ୱେଦନଶୀଳ ସ୍ଥାନଗୁଡିକରେ ବନ୍ୟ ପ୍ରାଣୀମାନଙ୍କର ଗତିବିଧିକୁ ଚିହ୍ନଟ କରିବ। ଏହି ବ୍ୟବସ୍ଥା ଦ୍ୱାରା ରେଳବାଇର କଣ୍ଟ୍ରୋଲ୍ ଅଫିସ୍, ଷ୍ଟେସନ୍ ମାଷ୍ଟର୍ସ, ଗେଟମ୍ୟାନ୍ ଏବଂ ଲୋକୋ ପାଇଲଟମାନଙ୍କୁ ସଚେତନ କରାଯାଇପାରିବ। ଯାହାଦ୍ୱାରା ଟ୍ରେନ୍‌‌ର ଗତିକୁ ହ୍ରାସ କରାଯାଇପାରିବ ବୋଲି ରେଳବାଇ ତରଫରୁ କୁହାଯାଇଛି।

ପ୍ରଥମ ପର୍ଯ୍ୟାୟରେ ଖୋର୍ଦ୍ଧା ରୋଡ୍‌‌ ଏବଂ ସମ୍ବଲପୁର ରେଳମଣ୍ଡଳ ଅଧୀନରେ ଆସୁଥିବା ହାତୀ ଚଳପ୍ରଚଳ ସମ୍ବେଦନଶୀଳ
ସ୍ଥାନଗୁଡ଼ିକରେ ଏହି ଅଭିନବ ପଦକ୍ଷେପ ଗ୍ରହଣ କରାଯାଉଛି ।