ଧାମରା : ଭଦ୍ରକ ଜିଲା ଚାନ୍ଦବାଲିରେ ଚାଲିଥିବା କାଳିପୂଜାରେ ଅପେରା ଦେଖି ନିଜ ଭାଇ ସହ ସାଇକେଲରେ ଘରକୁ ଫେରୁଥିବା ବେଳେ ବାଂଶଡା ପଞ୍ଚାୟତର ଜଣେ ନାବାଳିକା ଗଣଦୁଷ୍କର୍ମର ଶିକାର ହୋଇଛନ୍ତି ।
ସୂଚନା ଅନୁଯାୟୀ, ସୋମବାର ଭୋର ୪ଟାରେ ବାଂଶଡା ପଞ୍ଚାୟତର ଏକ ଝିଅ ଚାନ୍ଦବାଲିରୁ ଅପେରା ଦେଖି ନିଜ ଭାଇ ସହ ସାଇକେଲରେ ଘରକୁ ଫେରୁଥିଲା। ଚାନ୍ଦବାଲି ଅଞ୍ଚଳର ୪ଜଣ ଯୁବକ ସେମାନଙ୍କର ପିଛା କରିଥିଲେ। ନିଛାଟିଆ ରାସ୍ତାରେ ଝିଅର ଭାଇକୁ ମାଡ ମାରିବା ସହ ସାଇକେଲରେ ବାନ୍ଧି ପକାଇ ନାବାଳିକାକୁ ଗଣ ଦୁଷକର୍ମକରି ସମ୍ପୃକ୍ତ ଯୁବକମାନେ ଫେରାର ହୋଇ ଯାଇଥିଲେ। ଏହାପରେ ସ୍ଥାନୀୟଲୋକେ ମୁର୍ମୁଷ ଅବସ୍ଥାରେ ସମ୍ପୃକ୍ତ ନାବାଳିକାକୁ ଉଦ୍ଧାର କରି ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିବା ସହ ଚାନ୍ଦବାଲି ଥାନାରେ ଏତଲା ଦେଇଥିଲେ। ପରେ ଚାନ୍ଦବାଲି ଥାନାଧିକାରୀ ୪ଜଣ ଯୁବକଙ୍କ ମଧ୍ୟରୁ ଜଣକୁ ଗିରଫ କରି ଅଧିକ ତଦନ୍ତ ଜାରି ରଖିଥିବା ଜଣାପଡ଼ିଛି ।
