ଭିଡିଓ କନ୍ଫରେନ୍ସିଂ ଜରିଆରେ କାନାଡ଼ା ସଂସଦର କାର୍ଯ୍ୟ ଚାଲିଥିବାବେଳେ ଏକ ଲଜ୍ଜାଜନକ ଦୃଶ୍ୟ ସାମ୍ନାକୁ ଆସିଛି। ବୈଠକରେ ସାଂସଦମାନେ ବିଭିନ୍ନ ପ୍ରସଙ୍ଗରେ ଆଲୋଚନା କରିବା ସହିତ ନିଜ ନିଜ ମତ ଉପସ୍ଥାପନ କରୁଥିବା ସମୟରେ ଜଣେ ସାଂସଦ କ୍ୟାମେରା ସମ୍ମୁଖରେ ପରିଶ୍ରା କରୁଥିବା ନଜର ଆସିଛି। ସାଂସଦ ଜଣକ ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କ ଲିବେରାଲ ପାର୍ଟିର ସଦସ୍ୟ ୱିଲିୟମ ଅମୋସ। ଚଳିତମାସରେ ୨ୟ ଥର ପାଇଁ ଏଭଳି ଅଭାବନୀୟ ଘଟିଲାଣି। ପୂର୍ବ ଥର ମଧ୍ୟ ସାଂସଦ ଅମୋସ ଭିଡିଓ କନ୍ଫରେନ୍ସିଂ ସମୟରେ ଉଲ୍ଲଗ୍ନ ଅବସ୍ଥାରେ ଥିବା ଦେଖିବାକୁ ମିଳିଥିଲା।
ଏହି ଘଟଣା ସମ୍ପର୍କରେ ଅମୋସ ଟ୍ବିଟ୍ କରି ନିଜର ବିବୃତି ଦେଇଛନ୍ତି। ସେ ଲେଖିଛନ୍ତି ଯେ, ସେ ସଂସଦର ବୈଠକ ସମୟରେ ପରିଶ୍ରା କରୁଥିଲେ। ସେ ଭାବିଥିଲେ ଯେ କ୍ୟାମେରା ବନ୍ଦ ରହିଛି। କିନ୍ତୁ ପରେ ଜାଣିବାକୁ ପାଇଲି ଯେ ଭୁଲବଶତଃ କ୍ୟାମେରା ଖୋଲା ରହିଥିଲା। ତାଙ୍କର ଏଭଳି କାର୍ଯ୍ୟ ପାଇଁ ସେ ଲଜ୍ଜିତ। ଯାହା କିଛି ବି ହେଲା ସେଥିପାଇଁ ସେ ଲଜ୍ଜା ଅନୁଭବ କରୁଛନ୍ତି ଏବଂ ନିଃସର୍ତ୍ତ କ୍ଷମା ପ୍ରାର୍ଥନା କରୁଛନ୍ତି ବୋଲି ଟ୍ବିଟ୍ରେ ଲେଖିଛନ୍ତି।
ସୂଚନାଯୋଗ୍ୟ, ଏହା ପୂର୍ବରୁ ଗତ ଏପ୍ରିଲ ମାସରେ ବି ଅମୋସ ଭିଡିଓ କନ୍ଫରେନ୍ସିଂ ଜରିଆରେ ସଂସଦ କାର୍ଯ୍ୟ ଚାଲିଥିବାବେଳେ ଉଲଗ୍ନ ଅବସ୍ଥାରେ ଥିବା ନଜର ଆସିଥିଲେ।
