ନୂଆଦିଲ୍ଲୀ : ଭାରତୀୟ କମ୍ପାନୀ ବୋଟ୍ ନିଜ ଅଡିଓ ସାମଗ୍ରୀର ତାଲିକାରେ ଆଉ ଏକ ନୂଆ ନାଁ ସାମିଲ କରିଛି । କମ୍ପାନୀ ଭାରତରେ ନିଜ ଟ୍ରୁ ଓୟାରଲେସ୍ ଇୟରବଡ୍ସ ଲଞ୍ଚ୍ କରିଦେଇଛି । ଏହାରନାଁ ବୋଟ୍ ଏୟାରଡପ୍ସ ୩୧୧ ପ୍ରୋ । ଏହି ଇୟରବଡ୍ସ ଦମଦାର ସାଉଣ୍ଡ କ୍ବାଲିଟି ସହିତ ଆସିଥାଏ ଯାହା ଉପଭୋକ୍ତାଙ୍କୁ ଗୀତ ଶୁଣିବାରେ ଏକ ଉତ୍ତମ ଅନୁଭୂତି ପ୍ରଦାନ କରିବ । ଏହା ଜଳରୋଧୀ କ୍ଷମତା ସହ ଆସୁଛି ଏବଂ ୫୦ ଘଣ୍ଟା ବ୍ୟାଟେରୀ ବ୍ୟାକଅପ୍ ଦେବ ବୋଲି କମ୍ପାନୀ ସୂଚନା ଦେଇଛି ।
ଏହାର ଦାମ୍ ୧୧୯୯ ଟଙ୍କା ରଖିଛି କମ୍ପାନୀ । କିନ୍ତୁ ଲଞ୍ଚ୍ ଅଫର ଅନୁସାରେ ଏହାକୁ ମାତ୍ର ୯୯୯ ଟଙ୍କାରେ କିଣିପାରିବେ ଗ୍ରାହକ । ଏହି ଇୟରବଡ୍ସ ୪ ରଙ୍ଗର ବିକଳ୍ପ ସହିତ ଆସୁଛି ଯେଉଁଥିରେ ଲଭେଣ୍ଡର ରଶ, ସ୍ପେସ୍ ଗ୍ରେ, ଡସ୍କ ବ୍ଲୁ ଏବଂ ଆକ୍ଟିଭ୍ ବ୍ଲାକ୍ ରଙ୍ଗ ସାମିଲ । ଏହା ୫.୩ ବ୍ଲୁଟୁଥ୍ ଭର୍ସନ ସହିତ ଆସୁଛି । ଗ୍ରାହକ ଏହାକୁ ଇ-ବାଣିଜ୍ୟିକ ପ୍ଲାଟଫର୍ମ ଆମାଜନ, ଫ୍ଲିପକାର୍ଟ ଓ ବୋଟର ଅଫିସିଆଲ ଓ୍ବେବସାଇଟରୁ କିଣିପାରିବେ ।
Comments are closed.