ସୁଆଣ୍ଡୋ: ପୁରୀ ଜିଲା ସତ୍ୟବାଦୀ କଳାସଂସଦର ପଞ୍ଚମ ବାର୍ଷିକ ଉତ୍ସବ ସମାରୋହ ସାକ୍ଷୀଗୋପାଳ ମନ୍ଦିର ସମ୍ମୁଖରେ ଅନୁଷ୍ଠିତ ହୋଇଯାଇଛି । ଆୟୋଜିତ ସଭାରେ ଅତିଥିମାନେ ଶ୍ରୀଜଗନ୍ନାଥଙ୍କ ଫଟୋ ଚିତ୍ରରେ ମାଲ୍ୟାର୍ପଣ କରିବା ପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା। ମୁଖ୍ୟ ଅତିଥି ଭାବେ ଜିଲାପରିଷଦ ସଭ୍ୟ ରତିକାନ୍ତ ମିଶ୍ର ଯୋଗଦାନ କରିଥିଲେ । ଦୁନିଆର ସର୍ବଶ୍ରେଷ୍ଠ କଳାକାର ହେଉଛନ୍ତି ଶ୍ରୀଜଗନ୍ନାଥ । ଓଡ଼ିଶା ହେଉଛି କଳାର ରାଜ୍ୟ। ଉତ୍କଳୀୟମାନଙ୍କର କଳାର ପଟାନ୍ତର ନାହିଁ। କୁନି କୁନି କଳାକାରମାନଙ୍କ ପ୍ରତିଭାକୁ ମୁଖ୍ୟ ଅତିଥି ଶ୍ରୀ ମିଶ୍ର ପ୍ରଶଂସା କରିଥିଲେ । ଅନୁଷ୍ଠାନର ଛାତ୍ରଛାତ୍ରୀମାନଙ୍କ ଦ୍ୱାରା ମଙ୍ଗଳାଚରଣ, ଓଡ଼ିଶୀ, ସମ୍ବଲପୁରୀ ଓ ଲୋକନୃତ୍ୟ ପରିବେଷଣ କରାଯାଇଥିଲା । ସେହିପରି ସମ୍ମାନୀତ ଅତିଥି ଭାବେ ଜିଲାପରିଷଦ ସଭ୍ୟା ବିଷ୍ଣୁ ପ୍ରିୟା ବରାଳ, ସମିତି ସଭ୍ୟ ଦିପକ ଶତପଥୀ, ଶିକ୍ଷାବିତ ଅଶୋକ ପ୍ରଧାନ ପ୍ରମୁଖ ଉତ୍ସବରେ ଯୋଗଦେଇ ଥିଲେ । ଏହି ପରିପ୍ରେକ୍ଷୀରେ ନୃତ୍ୟଶିଳ୍ପୀ ସୀତା ପରିଡା, ବନିତା ସ୍ୱାଇଁ, ଅନନ୍ୟା ଦାଶ ଓ ଦେବସ୍ମିତା ଶତପଥୀ ପ୍ରମୁଖ ଓ ମର୍ଦ୍ଦଳବାଦକ ଓ ତବଲା ବାଦକଙ୍କୁ ଅତିଥିମାନେ ସମ୍ବର୍ଦ୍ଧିତ କରିଥିଲେ । ଆଇନଜୀବୀ ଅଞ୍ଜନ କୁମାର ହୋତା ମଞ୍ଚ ପରିଚାଳନା କରିଥିବା ବେଳେ ଗୁରୁ ଭଜମନ ସାହୁ ସଂଯୋଜନା କରିଥିଲେ ।
Comments are closed.