ହରଭଙ୍ଗା: ହରଭଙ୍ଗା ବ୍ଲକ ଖୋର୍ଦ୍ଧା-ବଲାଙ୍ଗୀର ୫୭ନଂ ଜାତୀୟ ରାଜପଥର ଚାରିଛକ ପାନ୍ଥନୀବାସ ସମ୍ମୁଖରେ ସୋମବାର ବିଳମ୍ବିତ ରାତିରେ ତେଲ ଟ୍ୟାଙ୍କର ଧକ୍କାରେ ଏକ ଆଇଚର ଟ୍ରକ ଦୁର୍ଘଟଣାଗ୍ରସ୍ତ ହୋଇଛି। ସୌଭାଗ୍ୟବଶତଃ ଗାଡିରେ କେହି ନ ଥିବାରୁ ଏକ ନିଶ୍ଚିତ ଦୁର୍ଘଟଣାରୁ ଟ୍ରକ ଡ୍ରାଇଭର ବର୍ତ୍ତି ଯାଇଥିବା ଜଣାପଡିଛି।
ସୂଚନାମତେ, ଗତକାଲି ରାତିରେ ଚାରିଛକ ପାନ୍ଥନୀବାସ ସମ୍ମୁଖରେ ଏକ ମାଲବୋଝେଇ ଆଇଚର ଟ୍ରକ ଛିଡାହୋଇଥିଲା। ଏହି ସମୟରେ ବୌଦ୍ଧପଟୁ ପାରାଦ୍ୱୀପ ଯାଉଥିବା ଏକ ତେଲ ଟ୍ୟାଙ୍କର ଗାଡି ନଂ ଓଡି୦୫ ଡବ୍ଲ୍ୟୁ ୨୫୪୯ ପଛପଟୁ ଟ୍ରକକୁ ଧକ୍କା ଦେଇଥିଲା। ଫଳରେ ଗାଡିଟି ଭାରସାମ୍ୟ ହରାଇ ରାସ୍ତାତଳକୁ ଖସି ଏକ ଗଛରେ ବାଡେଇ ହୋଇ ଦୁର୍ଘଟଣାଗ୍ରସ୍ତ ହୋଇଥିଲା। ପୁରୁଣାକଟକ ପୁଲିସ ଘଟଣାର ତଦନ୍ତ ଜାରି ରଖିଛି।
Comments are closed.