ଭେଲୋର : ଜଳସଙ୍କଟର ସମାଧାନ ପାଇଁ ଭେଲୋରର ଜୋଲାରପେଟ୍ରୁ ପାଣି ନେଇ ପ୍ରଥମ ଟ୍ରେନ୍ ଚେନ୍ନାଇରେ ପହଞ୍ଚିଛି । ୫୦ଟି ୱାଗନରେ ଜଳ ଚେନ୍ନାଇରେ ପହଞ୍ଚିଛି । ଏହାଦ୍ୱାରା ଚେନ୍ନାଇକୁ ଦୈନିକ ଅତିରିକ୍ତ ୧୦ ନିୟୁତ ଲିଟର ଜଳ ମିଳିବାର ଆଶା କରାଯାଉଛି । ପ୍ରତ୍ୟେକ ୱାଗନରେ ୫୦ ହଜାର ଲିଟର ଜଳ ପଠାଯାଇଛି। ପ୍ରତ୍ୟେକ ଥର ସେହି ଟ୍ରେନ୍ ୨୫ ଲକ୍ଷ ଲିଟର ଲେଖାଏଁ ଜଳ ନେଇ ଯାଇପାରିବ ଓ ଦିନକୁ ୪ ଥର ଏହି ଟ୍ରେନ ଯାତ୍ରା କରିପାରିବ । ପ୍ରତ୍ୟେକ ଥର ଜଳ ପରିବହନ ପାଇଁ ରାଜ୍ୟକୁ ୮ ଲକ୍ଷ ୪୦ ହଜାର ଟଙ୍କା ଦେବାକୁ ପଡ଼ିବ। ମୋଟର ପ୍ରକଳ୍ପ ପାଇଁ ଦିଆଯାଇଥିବା ୬୫ କୋଟି ଟଙ୍କାରୁ ମୁଖ୍ୟମନ୍ତ୍ରୀ ସେହି ଅର୍ଥ ମଞ୍ଜୁର କରିଛନ୍ତି। ସୂଚନାଯୋଗ୍ୟ କିଛି ଦିନ ହେବ ଚେନ୍ନାଇରେ ଘୋର ଜଳସଙ୍କଟ ଦେଖାଦେଇଛି ।
ତେବେ ମନ୍ତ୍ରୀ ବିଳମ୍ବରେ ପହଞ୍ଚିବା, ଫଟେ ଉଠା ଓ ଭିଡିଓ ସୁଟିଂ ପାଇଁ ଟ୍ରେନକୁ କୁରୁକୁପେଟ୍ଟି ସେଡରେ ଦୀର୍ଘ ସମୟ ଧରି ଅଟକାଇ ରଖା ଯାଇଥିଲା। ପରେ ଏହା ଭିଲ୍ଲିଭାକ୍କାମ ଜଙ୍କସନରେ ପହଞ୍ଚିଥିଲା। ଯେଉଁଠାରେ ଏହି ଜଳକୁ ସଂରକ୍ଷିତ କରି ରଖାଯାଉଛି ଓ ସେଠାରୁ ଚେନ୍ନାଇକୁ ଯୋଗାଇ ଦିଆଯିବ।
