ଭୁବନେଶ୍ବର,୨୩।୧୦/ ୨୫: ରାଜଧାନୀରେ ଝାଡ଼ଖଣ୍ଡର ନାବାଳିକାକୁ ଦୁଷ୍କର୍ମ ମାମଲା ନୂଆମୋଡ଼ ନେଇଛି। ମାମଲା ସମ୍ବେଦନଶୀଳ ଓ ସ୍ପର୍ଶକାତର ହୋଇଥିବାରୁ ଓଡ଼ିଶା ଅଭିମୁଖେ ଝାଡ଼ଖଣ୍ଡର ଏକ ସ୍ବତନ୍ତ୍ର ଦଳ ଆସୁଛନ୍ତି। ଝାଡ଼ଖଣ୍ଡ ଶିଶୁ ସୁରକ୍ଷା ଆୟୋଗ ସମେତ ଆଉ କିଛି ତଦନ୍ତକାରୀ ଦଳର କର୍ମଚାରୀ ଭୁବନେଶ୍ବର ଆସି ତନାଘନା କରିବେ। ଆସନ୍ତାକାଲି ଭୁବନେଶ୍ବରରେ ପହଞ୍ଚିବା ପରେ ପୀଡ଼ିତା ନାବାଳିକାଙ୍କୁ ପଚରାଉଚରା କରିବେ। କେଉଁ ପରିସ୍ଥିତିରେ ପୀଡ଼ିତା ଓଡ଼ିଶା ଆସିଲେ ଓ ତାଙ୍କ ପରିଚୟ ବିଷୟରେ ଏହି ସ୍ବତନ୍ତ୍ର ଦଳ ପଚାରି ବୁଝିବେ। ଏଥିସହ ମାମଲାର ତଦନ୍ତକାରୀ ଅଧିକାରୀଙ୍କୁ ମାମଲା ସମ୍ପର୍କିତ ତଥ୍ୟ ସହ ଅଗ୍ରଗତି ସଂକ୍ରାନ୍ତରେ ବୁଝିବେ ବୋଲି ବିଶେଷସୂତ୍ରରୁ ଜଣାପଡ଼ିଛି।
Popular Categories



