ଲାଞ୍ଜିଗଡ଼ : କଳାହାଣ୍ଡି ଜିଲ୍ଲା ଅନ୍ତର୍ଗତ ଲାଞ୍ଜିଗଡସ୍ଥିତ ଡ଼ିଏଭି ବେଦାନ୍ତ ଅନ୍ତର୍ଜାତୀୟ ବିଦ୍ୟାଳୟରେ ଅଧ୍ୟକ୍ଷା ମାନବିନ କୌରଙ୍କ ସଭାପତିତ୍ବରେ ସ୍ଵଭାବ କବି ଗଙ୍ଗାଧର ମେହେରଙ୍କ ଜନ୍ମ ଜୟନ୍ତୀ ମହାସମାରୋହରେ ପାଳିତ ହୋଇଯାଇଛି । ସର୍ବପ୍ରଥମେ ବିଦ୍ୟାଳୟର ଅଧ୍ୟକ୍ଷା ମାନବିନ କୌର ସ୍ଵଭାବ କବିଙ୍କ ପ୍ରତିଛବିରେ ଦୀପ ପ୍ରଜ୍ଜ୍ୱଳନ ସହ ପୁଷ୍ପମାଲ୍ୟାର୍ପଣ କରିଥିଲେ । ନିଜ ଅଭିଭାଷଣରେ ଅଧ୍ୟକ୍ଷା ମହୋଦୟା ଛାତ୍ରଛାତ୍ରୀଙ୍କୁ ଉଦବୋଧନ ଦେଇ କହିଥିଲେ ଶିକ୍ଷା ହିଁ ଜଗତରେ ବିଭିନ୍ନ ସମସ୍ୟା ସହ ଲଢ଼ିବାରେ ଶକ୍ତି ସଂଚାର କରିବା ସହ ଜୀବନକୁ ଅର୍ଥପୂର୍ଣ୍ଣ କରେ । ସେହିପରି ବିଦ୍ୟାଳୟର ଅନ୍ୟ ଶିକ୍ଷକ, ଶିକ୍ଷୟିତ୍ରୀ ଓ ଛାତ୍ରଛାତ୍ରୀମାନେ ଜୟନ୍ତୀ ସମାରୋହରେ ଉପସ୍ଥିତ ରହି କବିଙ୍କ ପ୍ରତି ନିଜ ନିଜର ଭକ୍ତି ସୁମନ ଅର୍ପଣ କରିଥିଲେ । ଜୟନ୍ତୀ ସଭା ପରିଚାଳନା କରିଥିଲେ ବିଦ୍ୟାଳୟର ଓଡ଼ିଆ ଶିକ୍ଷକ ଶ୍ରୀ ସୁବାସ ମେହେର ଏବଂ ଶେଷରେ ଶିକ୍ଷୟିତ୍ରୀ ସମ୍ବିତଲତା ସାହୁ ଆନୁଷ୍ଠାନିକ ରୂପେ ଧନ୍ୟବାଦ ଅର୍ପଣ କରିଥିଲେ ।
ଲାଞ୍ଜିଗଡସ୍ଥିତ ଡ଼ିଏଭି ବେଦାନ୍ତ ଅନ୍ତର୍ଜାତୀୟ ବିଦ୍ୟାଳୟରେ ସ୍ଵଭାବ କବି ଗଙ୍ଗାଧର ମେହେରଙ୍କ ଜୟନ୍ତୀ ପାଳନ ସମାରୋହ
Popular Categories
Previous article
Next article