ନୂଆଦିଲ୍ଲୀ : ଭାରତୀୟ ଗ୍ରାହକଙ୍କ ମଧ୍ୟରେ ଗତ କିଛି ମାସ ହେବ ଏମଜି ଓ୍ବିଣ୍ଡସର୍ ଇଭିକୁ ଚର୍ଚ୍ଚା ଜୋର ଧରିଛି । ଅକ୍ଟୋବର ୨୦୨୪ରେ ବୁକିଂ ଓପନ ହେବା ପରେ ଲଗାତର ଦେଶର ବେଷ୍ଟ ସେଲିଂ ଇଲେକ୍ଟ୍ରିକ୍ କାର୍ ପାଲଟିଯାଇଛି । ଏବେ କମ୍ପାନୀ ଏହାର ବିକ୍ରି ବଢାଇବା ପାଇଁ ଏକ ବଡ ୫୫ କିଲୋଓ୍ବାଟ୍ ବ୍ୟାଟେରୀ ପ୍ୟାକ୍ ସହିତ ଲଞ୍ଚ୍ କରିପାରେ ।
ଓ୍ବିଣ୍ଡସର ଇଭିରେ ୩୮ କିଲୋଓ୍ବାଟର ଲିଥିୟମ୍ ଆୟରନ୍ ଫସଫେଟ୍ ବ୍ୟାଟେରୀ ଦିଆଯାଇଛି । ଏହି ବ୍ୟାଟେରୀ ସିଙ୍ଗଲ ଚାର୍ଜରେ ୩୩୧ କିମିର ରେଞ୍ଜ ଦେଇଥାଏ । ଆଗାମୀ ନୂଆ ଓ୍ବିଣ୍ଡସର ଇଭିରେ ଦିଆଯାଉଥିବା ୫୫ କିଲୋଓ୍ବାଟ୍ ବିଶିଷ୍ଟ ବ୍ୟାଟେରୀ ସିଙ୍ଗଲ ଚାର୍ଜରେ ୫୦୦ କିମି ରେଞ୍ଜ୍ ଅଫର କରିବ ।
ଅନ୍ୟପଟେ ନୂଆ ଓ୍ବିଣ୍ଡସର ଇଭିରେ ଆଡଭାନ୍ସ ଡ୍ରାଇଭର ଆସିଷ୍ଟାନ୍ସ ସିଷ୍ଟମ ମଧ୍ୟ ଦିଆଯାଇପାରେ । ଅଟୋନୋମସ୍ ଏମରଜେନ୍ସି ବ୍ରେକିଂ, କ୍ରୁଜ୍ କଣ୍ଟ୍ରୋଲ ଓ ଲେନ୍ ଆସିଷ୍ଟ ଭଳି ଫିଚର୍ ମଧ୍ୟ ଦିଆଯାଇଛି । ଭାରତୀୟ ଗ୍ରାହକଙ୍କ ପାଇଁ ଏହି ଇଲେକ୍ଟ୍ରିକ୍ ଏସୟୁଭି ୩ ଭାରିଆଣ୍ଟ ଏକ୍ସାଇଟ୍, ଏକ୍ସଲୁସିଭ୍ ଓ ଏସେନ୍ସରେ ଉପଲବ୍ଧ ହେବ ।
