ପାଟଣା : ଗତକାଲି ସନ୍ଧ୍ୟା ୭ଟା ସମୟରେ ଉଦୟପୁର ଗ୍ରାମରେ ଅଜଣା ଦୁର୍ବୃତ୍ତ ୨ଟି ବାଇକକୁ ପୋଡି ଦେଇଥିବା ଜଣାପଡିଛି । ଖବରରୁ ପ୍ରକାଶ ଯେ ଗତକାଲି ବିଳମ୍ବିତ ସନ୍ଧ୍ୟାରେ ଉଦୟପୁର ନୂଆପାତ୍ରସାହିର ତରଣୀ ସେନ ପାତ୍ର ନିଜ କାର ଯୋଗେ କେନ୍ଦେଇପଶିକୁ ଯାଇଥିବା ସମୟରେ ତାଙ୍କ ଘର ଅଗଣାରେ ରଖାଯାଇଥିବା ଗୋଟିଏ ବୁଲେଟ ଓ ଗୋଟିଏ ୟାମାହା ମୋଟର ସାଇକେଲକୁ କେହି ଦୁର୍ବୃତ୍ତ ପୋଡି ପକାଇଥିଲେ । ନିଆଁ ଜଳିବା ଦେଖି ତରଣୀଙ୍କ ପିତା ପାଣ୍ଡଵ ପାତ୍ର ଘର ଭିତରୁ ବାହାରି ଏହା ଦେଖିବା ପରେ ପାଣି ଆଣି ବାଇକ ଉପରେ ଢାଳି ଦେବାରୁ ନିଆଁ ଲିଭିଯାଇଥିଲା। କେବଳ ସିଟ ଦୁଇଟି ସମ୍ପୂର୍ଣ୍ଣ ଜଳି ଯାଇଛି। ଗୋଟିଏ ବାଇକର ଟାୟlରରେ ମଧ୍ୟ ନିଆଁ ଲାଗି ପୋଡ଼ି ଯାଇଛି। ତରଣୀ ସେନ ଘରକୁ ଫେରି ପାଟଣା ପୁଲିସକୁ ଖବର ଦେବାରୁ ରାତି ୧୦ ଟା ବେଳେ ପାଟଣା ଥାନାର ଏଏସଆଇ ଧନେଶ୍ୱର ପାତ୍ର ଘଟଣାସ୍ଥଳକୁ ଆସି ଅନୁସନ୍ଧାନ କରିଛନ୍ତି। ପାଟଣା ଥାନାରେ ୧୯/୨୦୨୫ ମୂଳେ ମାମଲା ରୁଜୁ କରାଯାଇ ପୁଲିସ ଦୁର୍ବୃତ୍ତଙ୍କୁ ଧରିବାକୁ ଉଦ୍ୟମ ଚଳାଇଛି।
Comments are closed.