ନୂଆଦିଲ୍ଲୀ : ସୁଜୁକି ଇଣ୍ଡିଆ ଭାରତରେ ୨୦୨୫ ଜିକ୍ସର ୨୫୦ ଲଞ୍ଚ୍ କରିଦେଇଛି । ୨୦୨୫ ପାଇଁ ସୁଜୁକି ଜିକ୍ସର ୨୫୦ ପୂର୍ବ ଭଳି ନଜର ଆସୁଛି । ତେବେ ଏଥିରେ ସାମାନ୍ୟ କିଛି ପରିବର୍ତ୍ତନ ହୋଇଛି । ଏହାକୁ ଗ୍ରାହକ ୩ ନୂଆ ରଙ୍ଗର ବିକଳ୍ପ ସହିତ କିଣିପାରିବେ । ଏହାର ଏକ୍ସ ଶୋରୁମ୍ ଦାମ୍ ୧.୯୮ ଲକ୍ଷ ଟଙ୍କା ରଖିଛି କମ୍ପାନୀ ।
ଏଥିରେ ୨୪୯ ସିସି, ସିଙ୍ଗଲ-ସିଲିଣ୍ଡର ଇଞ୍ଜିନ ଦିଆଯାଇଛି । ଏହି ଇଞ୍ଜିନର ମୋଟର ୯୫୦୦ ଆରପିଏମରେ ୨୬.୫ ବିଏଚପିର ପାଓ୍ବର ଓ ୭୫୦୦ ଆରପିଏମରେ ୨୨.୨ ଏନଏମର ପିକ୍ ଟର୍କ ଜେନେରେଟ୍ କରିଥାଏ । ଇଞ୍ଜିନକୁ ୬ ସ୍ପିଡ୍ ଗିୟରବକ୍ସ ସହ ଯୋଡାଯାଇଛି । ଏଥିରେ ସ୍ମାର୍ଟକନେକ୍ଟିଭିଟି, ଡୁଆଲ –ଚ୍ୟାନେଲ୍ ଏବିଏସ୍ ଓ ଏଲଇଡି ଲାଇଟ୍ ସହିତ ଏଲସିଡି ମଧ୍ୟ ମିଳିଥାଏ ।
ଏହାର ହାର୍ଡଓ୍ବେୟାରରେ କୌଣସି ପରିବର୍ତ୍ତନ କରାଯାଇନି । ଏଥିରେ ଟେଲିସ୍କୋପିକ୍ ଫ୍ରଣ୍ଟ୍ ଫୋର୍କ୍ସ, ମୋନୋଶକ୍, ଫ୍ରଣ୍ଟ୍ ଏବଂ ରିୟର ଡିସ୍କ ବ୍ରେକ୍ ସେଟଅପ୍ ଏବଂ ଆଲୟ ହ୍ବିଲ୍ସ ପୂର୍ବ ଭଳି ମିଳିବ । ୨୦୨୫ ସୁଜୁକି ଜିକ୍ସର ୨୫୦ର ପ୍ରାରମ୍ଭିକ ଏକ୍ସ-ଶୋରୁମ୍ ଦାମ୍ ୧,୯୮,୦୦୦ ଟଙ୍କା । କମ୍ପାନୀ ଲଞ୍ଚ୍ ସହିତ ଏହାର ବୁକିଂ ଆରମ୍ଭ କରିଦେଇଛି । ଖୁବ୍ ଶୀଘ୍ର ଏହାର ଡେଲିଭରୀ ଆରମ୍ଭ ହୋଇଯିବ ।
Comments are closed.