ମାଳଦ୍ବୀପ ବିପକ୍ଷ ବନ୍ଧୁତ୍ବପୂର୍ଣ୍ଣ ମହିଳା ଫୁଟବଲ ପାଇଁ ଭାରତୀୟ ଦଳ ଘୋଷିତ: ଓଡ଼ିଶାରୁ ପ୍ୟାରୀ ଖାଖା, ଜୁଲି କିଷାନ

ନୂଆଦିଲ୍ଲୀ: ଭାରତ ଓ ମାଳଦ୍ବୀପ ମଧ୍ୟରେ ଫିଫା ଅନ୍ତର୍ଜାତୀୟ ବନ୍ଧୁତ୍ବପୂର୍ଣ୍ଣ ମହିଳା ଫୁଟବଲ ମ୍ୟାଚ ଚଳିତ ଡିସେମ୍ବର ୩୦ରୁ ୨୦୨୫ ଜାନୁଆରୀ ୨ ପର୍ଯ୍ୟନ୍ତ ବେଙ୍ଗାଲୁରୁରେ ଖେଳାଯିବ। ଏଥିପାଇଁ ସର୍ବଭାରତୀୟ ଫୁଟବଲ ମହାସଂଘ ପକ୍ଷରୁ ୨୩ଜଣିଆ ଭାରତୀୟ ମହିଳା ଫୁଟବଲ ଦଳ ମନୋନୟନ କରାଯାଇଛି। ମୁଖ୍ୟ ପ୍ରଶିକ୍ଷକ ଆଲେକଜାଣ୍ଡାରସନଙ୍କ ଅଧ୍ୟକ୍ଷତାରେ ମନୋନୀତ ଦଳରେ ୨୦ ବର୍ଷରୁ କମ୍‌ ଓ ସିନିୟର ଖେଳାଳିଙ୍କୁ ସୁଯୋଗ ମିଳିଛି। ବେଙ୍ଗାଲୁୁରୁରେ ଚାଲିଥିବା ଜାତୀୟ ପ୍ରଶିକ୍ଷଣ ଶିବିରରୁ ଖେଳାଳିଙ୍କ ପ୍ରଦର୍ଶନକୁ ଆଧାର କରି ଏହି ଦଳ ମନୋନୟନ କରାଯାଇଛି। ଦଳରେ ଓଡ଼ିଶାରୁ ଦୁଇ ଖେଳାଳି ପ୍ୟାରୀ ଖାଖା ଓ ଜୁଲି କିଷାନ ସ୍ଥାନ ପାଇଛନ୍ତି।