ନୂଆଦିଲ୍ଲୀ: ପ୍ରିୟଙ୍କା ଗାନ୍ଧୀଙ୍କୁ ଉତ୍ତରପ୍ରଦେଶ ଦାୟିତ୍ୱ ପ୍ରଦାନ କରାଯିବା ପରଠାରୁ କଂଗ୍ରେସ ଶିବିର ବେଶ୍ ଚଳଚଞ୍ଚଳ ହୋଇ ପଡ଼ିଛି। ମୁଖ୍ୟତଃ ପ୍ରିୟଙ୍କାଙ୍କ ରାଜନୀତିରେ ପ୍ରବେଶ ଉତ୍ତରପ୍ରଦେଶ କଂଗ୍ରେସ ଶାଖାକୁ ଅଧିକ ସକ୍ରିୟ କରିବ ବୋଲି ଆଶା କରାଯାଉଛି। ଦିଲ୍ଲୀଠାରୁ ୟୁପି ପର୍ଯ୍ୟନ୍ତ ପ୍ରିୟଙ୍କାଙ୍କୁ ନେଇ ନାନା ଚର୍ଚ୍ଚା ଆରମ୍ଭ ହୋଇଛି। ତେବେ ଏହି ଚର୍ଚ୍ଚାରେ କଂଗ୍ରେସର ହାଇକମାଣ୍ଡଙ୍କ ପକ୍ଷରୁ କୌଣସି ବିଧିବଦ୍ଧ ମୋହର ବାଜି ନଥିଲେ ମଧ୍ୟ ତାଙ୍କର ନିକଟତମ ମହଲ ଚର୍ଚ୍ଚାକୁ ଅସ୍ୱୀକାର କରିନାହାନ୍ତି।
ଚର୍ଚ୍ଚା ଅନୁଯାୟୀ, ପ୍ରିୟଙ୍କା ଗାନ୍ଧୀଙ୍କ ରାଜନୈତିକ ଦପ୍ତର ପ୍ରୟାଗରାଜର ଜବାହର ଭବନରେ ନିର୍ମାଣ ହେବ। ପ୍ରିୟଙ୍କା ଏବେ ଜବାହର ଭବନର ସେହି କୋଠରିରେ ବସିବେ ଯେଉଁଠି ଦିନେ ଇନ୍ଦିରା ଗାନ୍ଧୀ ବସୁଥିଲେ। ସେହିପରି ଲକ୍ଷେ୍ନøସ୍ଥିତ ଦଳୀୟ ମୁଖ୍ୟାଳୟକୁ ନବକଳେବର କରାଯାଉଛି। ଏହି କାର୍ଯ୍ୟାଳୟର ପ୍ରଥମ ମହଲାରେ ଛୋଟ ହେଲେ ମଧ୍ୟ ସୁନ୍ଦର କୋଠରି ରହିଛି। ଏହି କୋଠରୀ ଏବେ କଂଗ୍ରେସ ଅଧ୍ୟକ୍ଷ ବ୍ୟବହାର କରୁଛନ୍ତି। ଏହି କୋଠରି ସମ୍ମୁଖରେ ଏକ ଶିଡ଼ି ରହିଛି ଯାହା ଏକ ସମୟରେ ବ୍ୟବହାର ହେଉଥିଲା। ଏବେ ଏହି କୋଠରି ଓ ଶିଡ଼ି ପୁଣି ପ୍ରିୟଙ୍କା ବ୍ୟବହାର କରିବେ। ଏହି ଶିଡ଼ି ଦେଇ କେବଳ ପ୍ରିୟଙ୍କା ଓ ତାଙ୍କ ନିକଟତମ ନେତା ହିଁ ଯିବା ଆସିବା କରିପାରିବେ।
ଏପରିକି ୪ଫେବୃୟାରୀରେ ଉଭୟ ଭାଇ-ଭଉଣୀ ଲକ୍ଷେ୍ନøସ୍ଥିତ କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀ କରିବେ। ଏଥିପାଇଁ କାର୍ଯ୍ୟାଳୟ ମଧ୍ୟରେ ଏକ କନଫରେନ୍ସ ହଲ ମଧ୍ୟ ନିର୍ମାଣ ହେଉଛି। ଏହି ସମ୍ମିଳନୀରେ ପ୍ରିୟଙ୍କା ଗାନ୍ଧି ଆମେଥିରେ ନିର୍ବାଚନ ଲଢିବା ସମ୍ପର୍କରେ ଘୋଷଣା ହେବା ସହ ରାହୁଲ ଛିଦବାଡ଼ାରୁ ନିର୍ବାଚନ ଲଢିବାର ଘୋଷଣା ହେବ ବୋଲି କୁହାଯାଉଛି।
ଆମେଥିରୁ ପ୍ରିୟଙ୍କା,ଛିଦୱାଡ଼ାରୁ ରାହୁଲ ଲଢିବେ ନିର୍ବାଚନ!
Popular Categories
Previous article
Next article