ସାକ୍ଷୀଗୋପାଳ: ପୁରୀ-ଭୁବନେଶ୍ୱର ଜାତୀୟ ରାଜପଥର ସତ୍ୟବାଦୀ ଥାନା ଅନ୍ତର୍ଗତ ବୀର ଗୋବିନ୍ଦ ପୁର ଛକ ନିକଟରେ ଆଜି ଅପରାହ୍ନ ପ୍ରାୟ ସାଢେ ୪ଟା ସମୟରେ ଏକ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଜଣେ ମୃତ୍ୟୁ ବରଣ କରିଥିଲେ। ଅନ୍ୟ ୩ଜଣ ଗୁରୁତର ଆହତ ହୋଇଥିଲେ। ରାଜଧାନୀ ଭୁବନେଶ୍ୱରର ଭରତ ପୁର ଥାନା ଅନ୍ତର୍ଗତ ଭରତ ପୁର ଗ୍ରାମର ରାହୁଲ ମଲ୍ଲିକ (୧୯),ମିଟୁ ଦିଗା (୨୩),ଦୀପକ ଗୌଡ଼( ୨୯) ଓ ଗଞ୍ଜାମ ଜିଲ୍ଲା ସୋରଡ଼ା ଥାନା ଅନ୍ତର୍ଗତ ସୋରଡ଼ା ଗ୍ରାମର ଚିଣ୍ଟୁ ନାୟକ( ୧୭) ପ୍ରମୁଖ ଚାରି ଜଣ ୨ଟି ବାଇକରେ ଭୁବନେଶ୍ୱରରୁ ପୁରୀ ଅଭିମୁଖେ ଯାଉଥିଲେ। ହଠାତ ବାଇକ ଦ୍ବୟ ଭାରସାମ୍ୟ ହରାଇ ପୁରୀ ଅଭିମୁଖେ ଯାଉଥିବା ଏକ ଅଟୋ ପଛରେ ପିଟି ହୋଇ ଯାଇଥିଲା। ଫଳରେ ବାଇକ ଆରୋହୀ ୪ଜଣ ରାଜପଥ ଉପରେ ଛିଟିକି ପଡ଼ି ଗୁରୁତର ଆହତ ହୋଇଥିଲେ।
ସ୍ଥାନୀୟ ଜନସାଧାରଣ ଆହତ ମାନଙ୍କୁ ଚିକିତ୍ସା ନିମନ୍ତେ ସାକ୍ଷୀଗୋପାଳ ଡାକ୍ତରଖାନାରେ ଭର୍ତ୍ତି କରିଥିଲେ। କାର୍ଯ୍ୟରତ ଡାକ୍ତର ରାହୁଲ ମଲ୍ଲିକଙ୍କୁ ମୃତ ଘୋଷଣା କରିଥିଲେ। ଅନ୍ୟ ଆହତ ୨ ଜଣଙ୍କୁ ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ନିମନ୍ତେ କ୍ୟାପିଟାଲ ହସ୍ପିଟାଲ, ଭୁବନେଶ୍ୱର ସ୍ଥାନାନ୍ତର କରା ଯାଇଅଛି । ସତ୍ୟବାଦୀ ପୋଲିସ ଦୁର୍ଘଟଣା ଗ୍ରସ୍ତ ଅଟୋ ଓ ବାଇକ 2ଟି ଜବତ କରିଛନ୍ତି । ସେହିପରି ମୃତ ରାହୁଲ ମଲ୍ଲିକଙ୍କ ଶବଟିକୁ ଜବତ କରିଛନ୍ତି l ଆସନ୍ତା କାଲି ଶବ ବ୍ୟବଚ୍ଛେଦ କରାଯିବ ବୋଲି ସତ୍ୟବାଦୀ ପୋଲିସ ସୂତ୍ରରୁ ଜଣା ପଡ଼ିଅଛି।ଅଟୋରେ 2 ଜଣ ଯାତ୍ରୀ ରହିଥିଲେ। ଅଟୋ ଯାତ୍ରୀ ଓ ଅଟୋ ଚାଳକ ସାମାନ୍ୟ ଆହତ ହୋଇଥିଲେ।
Comments are closed.