ନୂଆଦିଲ୍ଲୀ : ସ୍କୋଡା ନିକ କ୍ୟଲାକ୍ କମ୍ପାକ୍ଟ ଏସୟୁଭିରୁ ପରଦା ଉଠାଇଛି । ଭାରତୀୟ ବଜାରକୁ ନଜରରେ ରଖି ଏହାକୁ ପ୍ରସ୍ତୁତ କରାଯାଇଛି । କମ୍ପାନୀ ୭.୮୯ ଲକ୍ଷ ଟଙ୍କା)ଏକ୍ସ-ଶୋରୁମ୍) ଦାମରେ ଏହାର ବଜାର ପ୍ରବେଶ କରାଇଛି । ୨ ଡିସେମ୍ବରରୁ ଏହାର ବୁକିଂ ଆରମ୍ଭ ହେବ । ଗ୍ରାହକଙ୍କୁ ଏହାର ଡେଲିଭରୀ ପାଇଁ ୨୭ ଜାନୁୟାରୀ ୨୦୨୫ ପର୍ଯ୍ୟନ୍ତ ଅପେକ୍ଷା କରିବାକୁ ପଡିବ ।
ନୂଆ ସ୍କୋଡା କ୍ୟଲାକ୍ କୁଶାକ୍ ଭଳି ଡିଜାଇନରେ ପ୍ରସ୍ତୁତ ହୋଇଛି । ତେବେ କୁଶାକ ତୁଳନାରେ ଏହାର ଲମ୍ବ ସାମାନ୍ୟ କମ୍ । ଏଥିରେ ୧୭ ଇଞ୍ଚର ଆଲୟ ହ୍ବିଲ୍ ମଧ୍ୟ ମିଳିବ । କମ୍ ବଜେଟରେ ଗ୍ରାହକଙ୍କୁ ଏକ ଉତ୍ତମ ବିକଳ୍ପ ମିଳିବ । ଗାଡିରେ ଡୁଆଲ ଡିଜିଟାଲ ସ୍କ୍ରିନ୍, ପାଓ୍ବର୍ଡ ଡ୍ରାଇଭର ସିଟ୍, ଲେଦରେଟ୍ ଅପହୋଲଷ୍ଟ୍ରି, କନେକ୍ଟେଡ୍ କାର୍ ଟେକ୍ନୋଲୋଜି, ଏମ୍ବିଏଣ୍ଟ ଲାଇଟିଂ, ୬ଟି ସ୍ପିକର ମିଳିବ । ଏଥିରେ ୧.୦ ଲିଟର ଟିଏସଆଇ ପେଟ୍ରୋଲ ଇଞ୍ଜିନ ମିଳିବ ଯାହା ୧୧୪ ବିଏଚପିର ପାଓ୍ବର ଓ ୧୭୮ ଏନଏମର ଟର୍କ ଉତ୍ପନ କରିବାରେ ସକ୍ଷମ ହେବ । ଏଥିରେ ୬ ସ୍ପିଡ୍ ମାନୁଆଲ୍ ଟ୍ରାନ୍ସମିଶନ ଓ ଅଟୋମେଟିକ୍ ଟ୍ରାନ୍ସମିଶନ ମିଳିବ । ନୂଆ ସ୍କୋଡା କ୍ୟଲାକ ହ୍ୟୁଣ୍ଡାଇ ଭେନ୍ୟୁ, କିଆ ସୋନେଟ୍, ମାରୁତି ଫ୍ରଙ୍କ୍ସ ସହିତ ମୁକାବିଲା କରିବ ।
