କେନ୍ଦୁଝର: କେନ୍ଦୁଝର ସହର ପୁରୁଣାବଜାର ସ୍ଥିତ ଓଏସଏପି ଦ୍ଵିତୀୟ କ୍ୟାମ୍ପସରେ ୧୪ ଓଡ଼ିଶା ବାଟାଲିୟନ ଏନ୍.ସି.ସି. ପକ୍ଷରୁ ଆୟୋଜିତ ବାର୍ଷିକ ତାଲିମ୍ ଶିବିରରେ ରବିବାର କମାଣ୍ଡିଂ ଅଫିସର ଲେଫ୍ଟନାଣ୍ଟ କର୍ଣ୍ଣେଲ ମୟୂର ଘାର୍ଗେଙ୍କ ଅଧ୍ୟକ୍ଷତାରେ ଏକ ସାଇବର ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ଇନ୍ସପେକ୍ଟର ମୁନା ନାଏକ, ଆସିଷ୍ଟାଣ୍ଟ ସବ୍ ଇନ୍ସପେକ୍ଟର ଆଲୋକ କୁମାର ନାୟକ, କନେଷ୍ଟବଳ ଦେବବ୍ରତ ବେହେରା, ଆଥଲେଟିକ କୋଚ ଶିରପାଣି ମହାନ୍ତ ଯୋଗ ଦେଇ ଇଣ୍ଟରନେଟ୍ ସୁରକ୍ଷା, ସୋସିଆଲ ମିଡ଼ିଆ ରେ ସତର୍କତା ଅବଲମ୍ବନ, ଗେମିଂ ଆପ୍, ଅନଲାଇନରେ ଆର୍ଥିକ କାରବାର, ଅଜଣା ଲିଙ୍କ ବ୍ୟବହାର ନ କରିବା, ବ୍ୟକ୍ତିଗତ ତଥ୍ୟ ଅନଲାଇନରେ ବ୍ୟବହାର ଠାରୁ ଦୂରେଇ ରହିବା, ସାଇବର କ୍ରାଇମର ଶିକାର ହେଲେ ୧୯୩୦ ନମ୍ବର କୁ ତୁରନ୍ତ ଯୋଗାଯୋଗ କରିବା ଇତ୍ୟାଦି ବିଷୟରେ କ୍ୟାଡେଟସଙ୍କୁ ସଚେତନ କରିଥିଲେ।ତଦ୍ ସହିତ କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀରେ କ୍ୟାଡେଟସ ଯୋଗଦାନ କରିବା ପାଇଁ ପ୍ରେରଣା ପ୍ରଦାନ କରାଯାଇଥିଲା।
