ବାସୁଦେବପୁର : ଘରେ ଶୋଇଥିବା ସମୟରେ ଯୁବକଙ୍କୁ ଉଠାଇ ନେଇ ହତ୍ୟା କରାଯାଇଥିବା ଅଭିଯୋଗ ହୋଇଛି । ଏମିତି ଘଟଣା ବାଂଶଡା ଥାନା ଅଧିନ ପିପଳା ଗ୍ରାମରେ ଘଟିଛି । ମିଳିଥିବା ସୂଚନା ମୁତାବକ, ବାସୁଦେବପୁର ତହସିଲ ଅଧିନ କରଣପଲ୍ଲୀ ଗ୍ରାମର ଶଙ୍କର ଜାନା ଓ ତାଙ୍କର ସହେଯାଗୀମାନେ ବେଣୁଧର ନାୟକଙ୍କ ପୁଅ ତାପସଙ୍କୁ ଗତକାଲି ରାତି ଦୁଇଟା ସମୟରେ ଉଠାଇ ଆଣିଥିଲେ । ଏହି ସମୟରେ ତାପସର ମାଆ ବିରୋଧ କରିବାରୁ ଶଙ୍କର ଓ ତାଙ୍କର ଅନ୍ୟ ଦଶଜଣ ସହେଯାଗୀମାନେ ତାପସର ମାଆଙ୍କୁ ମାଡ ମାରି ପଳାଇ ଆସିଥିଲେ । ବାପା ବେଣୁଧର ତାପସଙ୍କୁ ବିଜୟପାଟଣା ନିକଟରେ ସଂଜ୍ଞାହୀନ ଅବସ୍ଥାରେ ପାଇଥିଲେ । ସଙ୍ଗେ ସଙ୍ଗେ ବାସୁଦେବପୁର ଡାକ୍ତରଖାନାକୁ ଚିକିତ୍ସା ପାଇଁ ନେଇ ଆସିଥିବାବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ଶଙ୍କର ଜାନାର ଝିଅ ନିଖୋଜ ଥିବାକୁ ନେଇ ଆକ୍ରୋଶ ମୂଳକ ଭାବରେ ଘରୁ ଟେକିନେଇ ଭଣଜାକୁ ହତ୍ୟା କରାଯାଇଛି ବୋଲି ତାପସର ମାମୁଁ ସୁଶାନ୍ତ ବିଶ୍ୱାଳ ଜଣାଇଛନ୍ତି ।
Popular Categories
Previous article
Next article